قومی ٹیم کے سابق ہیڈ کوچ مکی آرتھر نے جارح مزاج بیٹر محمد آصف علی مشورہ دے دیا۔
سماجی رابطے کی ویب سائٹ ٹویٹر پر مکی آرتھر نے چوتھے ٹی 20 کے ہیرو حارث رؤف اور ہارڈ ہٹر بلے باز آصف علی کی تعریف کی اور ان سے متعلق ایک تجویز بھی دے دی۔
انہوں نے چوتھے ٹی 20 میچ میں حارث رؤف کی شاندار بولنگ کی تعریف کرتے ہوئے لکھا کہ ’ڈیتھ اوورز میں حارث نے شاندار بولنگ کی۔
آصف علی سے متعلق سابق کوچ نے لکھا کہ ’آصف کو مزید گیندیں کھیلنے کی ضرورت ہے۔‘
Some great death bowling from Haris Rauf but Asif Ali the difference,he has to face more balls!
— Mickey Arthur (@Mickeyarthurcr1) September 25, 2022
واضح رہے کہ پاکستان اور انگلینڈ کی ٹیمیں پانچویں ٹی 20 میں مدمقابل ہیں اور قومی ٹیم نے مہمان ٹیم کو جیت کے لیے 146 رنز کا ہدف دیا ہے۔
قومی ٹیم 19 اوورز میں 145 رنز بنا کر آل آؤٹ ہوگئی، وکٹ کیپر بیٹر محمد رضوان کے 63 رنز کے علاوہ کوئی بیٹر خاطر خواہ کارکردگی نہ دکھا سکا۔
انگلش فاسٹ بولر مارک ووڈ نے 3 کھلاڑیوں کو پویلین کی راہ دکھائی جبکہ ڈیوڈ ولی اور سیم کرن دو، دو وکٹیں حاصل کرسکے۔
یاد رہے کہ دونوں ٹیموں کے درمیان 7 میچوں کی سیریز 2-2 سے برابر ہے۔