قومی ٹیم کے ہیڈ کوچ ثقلین مشتاق مڈل آرڈر کی ناکامی کے سوال پر بھڑک اٹھے۔
اے آر وائی نیوز کے مطابق گزشتہ روز انگلش ٹیم سے تیسرے ٹی 20 میں شکست کے بعد قومی ٹیم کے ہیڈ کوچ ثقلین مشتاق میڈیا سے گفتگو کرنے آئے جب ان سے صحافی نے مڈل آرڈر کی ناکامی کا سوال کیا تو وہ غصے میں آگئے اور نرالی منطق پیش کرنے لگے۔
ثقلین مشتاق نے کہا کہ کھیل میں ہارجیت بھی سردی گرمی، زندگی، موت جیسا قدرت کا نظام ہے۔
ہیڈ کوچ نے خوشدل اور افتخار کے سوال پر کہا کہ آپ پاکستان کو سپورٹ نہیں کررہے ہیں آپ نے چیف سلیکٹر محمد وسیم سے زیادہ ڈومیسٹک کرکٹ نہیں دیکھی ہوگی۔
Saqlain Mushtaq "Day and night. Heat and cold. Rain and clouds. Life and death. Win and loss. These are all things we have to accept in life" #PAKvENG #Cricket pic.twitter.com/KymTHgkD6T
— Saj Sadiq (@SajSadiqCricket) September 24, 2022
ثقلین مشتاق نیوز کانفرنس میں مڈل آرڈر کا دفاع کرتے ہوئے عجیب و غریب مثالیں بھی پیش کرتے رہے۔
انہوں نے کہا کہ آپ مڈل آرڈر پر مسلسل بات کر کے ہمارے ذہن کو متاثر کر رہے ہیں،بار بارمڈل آرڈر پر بات کر کے کھلاڑیوں کا اعتماد خراب کیا جا رہا ہے،
ہیڈ کوچ کا کہنا تھا کہ کل ہم جیتے آج وہ،جس روز جس کے پلان چلیں گے وہ کامیاب ہوگا۔ْ
واضح رہے کہ گزشتہ روز7 میچز پر مشتمل ٹی ٹوئنٹی سیریز کے تیسرے میچ میں انگلینڈ نے پاکستان کو با آسانی 63 رنز سے شکست دے کر سیریز میں 1-2 کی برتری حاصل کرلی۔
انگلینڈ کے 222 رنز کے پہاڑ جیسے ہدف کے تعاقب میں پاکستانی بیٹرز مقررہ اوورز میں 8 وکٹوں پر 158 رنز بناسکے شان مسعود نے شاندار نصف سنچری اسکور کی ان کے علاوہ کوئی بیٹر خاطرہ خواہ کارکردگی نہ دیکھا سکا۔
