لاہور: پی سی بی مینجمنٹ کمیٹی کے چیئرمین نجم سیٹھی نے پاکستان ٹیم کے ون ڈے میں نمبر ون بننے پر قوم کو مبارک باد پیش کی ہے۔
اے آر وائی نیوز کے مطابق پی سی بی مینجمنٹ کمیٹی کے چیئرمین نجم سیٹھی کا کہنا ہے کہ میرے پچھلے دور میں پاکستان ٹیم ٹیسٹ اور ٹی 20 رینکنگ میں پہلے نمبر پر آئی تھی اب ون ڈے میں بھی دنیا کی نمبر ون ٹیم بن گئی ہے۔
نجم سیٹھی نے کہا کہ کپتان بابر اعظم، پوری ٹیم اور کوچنگ اسٹاف مبارکباد کے مستحق ہیں۔
Congrats Team Pakistan for achieving #1 position in ICC ODI rankings. The best is yet to come!
— Najam Sethi (@najamsethi) May 5, 2023
انہوں نے کہا کہ مجھے پاکستان ٹیم پر فخر ہے اور اس کے لیے نیک تمنائیں ہیں، امید ہے ٹریننگ ایشیا کپ اور ورلڈ کپ میں کام آئے گی۔
نجم سیٹھی نے کہا کہ عالمی رینکنگ تبدیل ہوتی رہتی ہے جو خوشی ملے اسے منایا جائے۔
واضح رہے کہ پاکستان نے چوتھے ایک روزہ میچ میں نیوزی لینڈ کو 102 رنز سے شکست دے کر ون ڈے رینکنگ میں پہلی پوزیشن حاصل کرلی ہے۔
Introducing the new No.1 ranked side on the ICC ODI Team Rankings! pic.twitter.com/uOVRFBsf0Z
— Pakistan Cricket (@TheRealPCB) May 5, 2023
نمبر ون بننے پر بابراعظم نے کہا کہ کھلاڑیوں کی سپورٹ اور لگن نےٹیم کو نمبرون بنایا ہے آج وکٹ کافی بہتر تھی، مختلف شراکتیں بنیں جس کی وجہ سےبڑا ٹوٹل بنا۔
بابر اعظم کا کہنا تھا کہ مختلف کمبی نیشن آزما رہے ہیں ہماری مستقبل پر نظر ہے جس کھلاڑی کو موقع دیا اس نے پرفارم کیا۔
