The news is by your side.

’ایک ہی ہدف ہے ٹورنامنٹ جیتیں‘

ایشیا کپ کے فائنل معرکے سے قبل کپتان بابر اعظم کا کہنا ہے کہ ہم ٹرافی جیتنے سے ایک قدم دور ہیں ہر کپتان اور ٹیم کا خواب ہوتا ہے کہ وہ ٹرافی جیتے۔

میچ سے قبل پریس کانفرنس میں قومی ٹیم کے کپتان بابر اعظم نے کہا کہ فائنل میں پاکستان ٹیم کی قیادت کرنے پر بہت پرجوش ہوں۔

بابر اعظم نے  کہا کہ جب ہم ٹیم بنانے کے مرحلے میں ہوتے ہیں تو مختلف کھلاڑیوں کا پرفارم کرنا اچھا ہوتا ہے بحثیت کپتان پاکستان کرکٹ ٹیم یہ میرے لیے بڑی اہمیت کا حامل ہے اس سے مستقبل کیلئے کامیابیوں کا راستہ بنانے میں مدد ملتی ہے۔

انہوں نے کہا کہ بحثیت ٹیم اس وقت ہمارا ایک ہی ہدف ہے کہ ہم فائنل میں اچھا پرفارم کریں اور ٹورنامنٹ جیتیں، ایشیا کپ میں ہمارے میچز بڑے شاندار  رہے ہیں، ایشیا کپ میں ہم نے بڑے ٹف میچز کھیلے ہیں۔

بابر نے کھلاڑیوں کی تعریف کرتے ہوئے کہا کہ پلیئرز نے بڑی شاندار کارکردگی کا مظاہرہ کیا ہے مختلف کھلاڑیوں نے پلیئر آف دی میچ کا ایوارڈ حاصل کیا۔

انہوں نے کہا کہ ٹاس اب تک اہم رہا، دوسری اننگز میں بیٹنگ کرنے والی ٹیمیں جیت رہی ہیں، دوسری بیٹنگ کرنے والی ٹیم کو فائدہ ہوتا ہے کیوں کہ وکٹ اس وقت بہتر ہوتا ہے۔

مداحوں کے نام پیغام میں بابر نے کہا کہ کبھی پرفارمنس اچھی ہوتی ہےکبھی نہیں، فینز  وہی ہوتے ہیں جو ہروقت ٹیم کو سپورٹ کریں۔

واضح رہے کہ پاکستان اور سری لنکا کے درمیان ایشیا کپ کا فائنل کل کھیلا جائے گا اور میچ پاکستانی وقت کے مطابق شام 7 بجے شروع ہوگا۔

Comments

یہ بھی پڑھیں