نیویارک :فلسطین کا پرچم اقوام متحدہ کے دفتر کے باہر لہرادیا گیا، جس کی منظوری جنرل اسمبلی اجلاس میں کثرت رائے سے دی گئی تھی.
عالمی برادری نے بھی فلسطین کو ریاست مان لیا اور اقوام متحدہ کے دفتر کے باہر ممبر ممالک کے ساتھ پرچم لہرانے کی منظوری دیدی، فلسطینی پرچم لہرانے کی قرارداد کے حق میں ایک سو ترانوے میں سے ایک انیس نے ووٹ دیئے جبکہ اسرائیل اور امریکہ سمیت صرف آٹھ ممبران نے مخالفت کی۔
جرمنی، فن لینڈ، آسٹریا اور نیدرلینڈ سمیت پینتالیس ممالک نے رائے شماری میں حصہ نہیں لیا، اقوام متحدہ کے دفتر کے باہر پرچم لہرانے کی تقریب میں مسلم ممالک کے سربراہان نے شرکت کی اور محمود عباس کو مبارکباد دی۔
فلسطین کا پرچم اقوام متحدہ کے دفتر پر لہرانے سے جہاں فلسطینیوں کو حوصلہ ملا وہیں اسرائیلیوں کے دلوں پر سانپ ضرور لوٹ گئے ہوں گے۔
Comments
- Advertisement -
