فلسطینی شہری نے عالمی رہنماؤں سے سوال کیا ہے کہ بتائیں کیا غزہ کی ڈراؤنی فلم سے لطف اندوز ہو رہے ہیں؟
الشطی پناہ گزین کیمپ میں مقیم، فلسطینی شہری کی جانب سے عالمی برادری سے مدد کی اپیل کی گئی ہے۔ فلسطینی شہری نے کہا کہ عالمی رہنما بتائیں کتنے اور لوگوں کو شہید ہونے کی ضرورت ہے۔
فلسطینی شہری نے کہا کہ عالمی رہنما کب جاگیں گے، شہدا کی تعداد بتادیں ہم انتظار کرلیتے ہیں۔ اسرائیلی فوج نے 3 گھنٹے کے اندر الشطی پناہ گزین کیمپ کو خالی کرنے کے پمفلٹ گرائے۔
- Advertisement -
انھوں نے کہا کہ اسرائیلی فوج کہتی ہے کیمپ سے شمال کی طرف چلے جائیں۔ کیمپ سے نکلتے ہیں تو اسرائیلی فوج، پولیس اور آبادکار نشانہ بناتے ہیں۔
فلسطینی شہری نے کہا کہ اسرائیلی ٹینک سویلین کی گاڑیوں کو نشانہ بنارہے ہوتے ہیں۔ اسرائیل قتل عام کر رہا ہے، دنیا آگے بڑھے اور جنگ بندی کرائے۔