غزہ : اسرائیل کی غزہ میں اسپتال پر وحشیانہ بمباری کے بعد فلسطینی صدر محمود عباس نے امریکی صدر جوبائیڈن سے ملاقات منسوخ کردی۔
تفصیلات کے مطابق اسرائیل کی غزہ میں اسپتال پر وحشیانہ بمباری پر فلسطینی اتھارٹی کے صدر محمود عباس نے امریکی صدر جوبائیڈن سے طے شدہ ملاقات منسوخ کردی۔
فلسطینی صدرمحمودعباس عمان سے واپس فلسطین کیلئےروانہ ہوگئے اور محمود عباس نے اسپتال پر بمباری کے بعد ہنگامی اجلاس طلب کرلیا ہے۔
فلسطینی اتھارٹی کے صدر محمود عباس کی آج اردن میں امریکی صدر سے ملاقات طے تھی ، ملاقات میں اردن کے شاہ عبداللہ اور مصری صدرعبدالفتاح السیسی نے بھی شرکت کرنا تھی۔
خیال رہے غزہ کے العہلی عرب اسپتال پر اسرائیلی بمباری سے شہید فلسطینیوں کی تعداد 800 سے تجاوز کرگئی، خوفناک بمباری میں خواتین، بچے، ڈاکٹرز اور اسٹاف شامل ہیں۔
فلسطینی محکمہ صحت کے مطابق شہادتوں میں اضافے کا خدشہ ہے، بمباری میں مریضوں کے ساتھ بڑی تعداد میں ڈاکٹرز اور میڈیکل اسٹاف بھی شہید ہوئے۔
