The news is by your side.

Advertisement

21 سالہ معروف بھارتی اداکارہ کی پنکھے سے لٹکی لاش برآمد

نئی دہلی: مغربی بنگال کی معروف اداکارہ پلوی ڈے اپنے فلیٹ میں مردہ حالت میں پائی گئیں، پولیس واقعے کی مزید تفتیش کر رہی ہے۔

بھارتی میڈیا کے مطابق ریاست مغربی بنگال کے دارالحکومت کلکتہ میں بنگالی اداکارہ پلوی ڈے اپنے فلیٹ میں مردہ حالت میں پائی گئیں۔ 21 سالہ پلوی ڈے کی لاش اتوار کو ان کے جنوبی کلکتہ کے فلیٹ سے ملی ہے۔

ایک سینیئر پولیس افسر کا کہنا ہے کہ جب اداکارہ کو اسپتال پہنچایا گیا تو وہ مردہ حالت میں تھیں۔

افسر کا کہنا تھا کہ پلوی نے یہ فلیٹ اپنے پارٹنر کے ساتھ مل کر کرائے پر لیا ہوا تھا اور جب انہوں نے پلوی کو بے سدھ پایا تو چیخ کر پڑوسیوں کو آوازیں دیں۔

ایک اور بھارتی ویب سائٹ کے مطابق اداکارہ کی موت پنکھے سے لٹکنے کے سبب ہوئی۔

پولیس کا کہنا ہے کہ اس کیس کی تفتیش ہر پہلو سے کی جارہی ہے، ابھی ہم ان کے پارٹنر سے بات کررہے ہیں تاکہ واقعے سے پہلے کی صورتحال کو سمجھا جاسکے۔

21 سالہ پلوی ڈے بنگالی ڈرامہ اور فلم انڈسٹری میں کافی مشہور تھیں اور انہوں نے بنگالی زبان میں بننے والے متعدد ڈارمے بشمول کنجا چھایا، ریشم جھپی اور من مانے نہ میں کام کیا تھا۔

Comments

یہ بھی پڑھیں