The news is by your side.

Advertisement

پلوامہ حملے کی آڈیو سامنے لانے والا بھارتی شہری گرفتار، دہشت گرد قرار

نئی دہلی: پلوامہ حملے سے متعلق بی جے پی کی دہشت گردی کے ثبوت سامنے لانے والے بھارتی شہری کو پولیس نے گرفتار  کر کے دہشت گرد قرار دے دیا۔

تفصیلات کے مطابق بھارتی شہری اوی ڈانڈیا سوشل میڈیا پر پلوامہ حملے سے متعلق آڈیوکلپ سامنےلایا تھا جس میں حکمراں جماعت بھارتیہ جنتا پارٹی کی دہشت گردی کے واضع ثبوت موجود تھے۔

بھارتی پولیس نے شہری کو گرفتار کرکے اُسے دہشت گرد قرار دے دیا جبکہ اوی ڈانڈیا نےدعویٰ کیا تھاکہ بی جےپی الیکشن سے قبل دہشت گردی کرنے کا ارادہ رکھتی ہے کیونکہ آڈیو کلپ میں حکمراں جماعت کے دو رہنما گفتگو کررہے تھے۔

بھارتی شہری نےآڈیو ٹیپ کو مصدقہ قرار دیتے ہوئے چیلینج کیا تھا کہ اگر کوئی اسے جھوٹ قرار دے سکتا ہے تو ثبوت پیش کردے، اوی ڈانڈیا کے چلینج کو کسی نے تسلیم نہیں کیا اور نہ ہی آڈیو کو جھوٹا قرار دیا۔

بھارتی شہری اوی ڈانڈیانے18منٹ کی ویڈیو بھی ریلیزکرنےکااعلان کررکھا تھا، ڈانڈیا کا دعویٰ تھا کہ پلواماحملے میں براہ راست بھارتیہ جنتا پارٹی ملوث ہے۔

مزید پڑھیں: انتخابات کے لئے لاشیں گرانا ضروی ہے: بھارتی رہنماؤں کی مبینہ آڈیو کال نے کھلبلی مچا دی

اوی ڈانڈیانےسوشل میڈیاپردوسری ویڈیو بھی شیئر کی تھی جس میں انہوں نے بتایا تھا کہ سیاسی جماعت کی جانب سے انہیں بھاری رشوت کی پیش کش بھی ہوئی تاہم انہوں نے سچ سامنے لانے کے لیے اس پیش کش کو مسترد کیا۔

اوی ڈانڈیا نے جو آڈیو لیک کی تھی اُس میں مبینہ طور پر بی جے پی رہنما اور امیت شاہ آپس میں گفتگو کررہے تھے، آڈیو میں راج ناتھ سنگھ کی گفتگو واضح طور پر سنی جاسکتی ہے جس میں کہہ رہے ہیں الیکشن کےلیے لاشیں گرانا بہت ضروری ہیں۔

راج ناتھ سنگھ اور امیت شاہ کی مبینہ آڈیو گفتگو میں سنسنی خیز انکشافات کیے تھے جس میں انہوں نے چناؤ کو جنگ قرار دیتے ہوئے کہا تھا کہ پلوامہ میں بھارتی فوجیوں کو مارنے کےلیے بی جے پی نے جان بوجھ کر دھماکا کرایا۔

مزید پڑھیں: پاکستان پر حملہ ڈرامہ تھا، پلوامہ حملہ میں مارے جانے والے فوجی کی والدہ کا بیان

مبینہ آڈیو کال میں راج ناتھ سنگھ اور امیت شاہ نے یہ بھی انکشاف کیا تھا کہ ’اڑی حملہ بھی مودی سرکار کے کہنے پر ہوا‘۔

واضح رہے 14 فروری کو مقبوضہ کشمیر کے ضلع پلوامہ میں کار بم حملے میں42 بھارتی فوجی ہلاک اور متعدد زخمی ہوئے تھے، حملے کے فوری بعد بھارت نے پاکستان پر الزام تراشی کا سلسلہ شروع کردیا تھا۔

Comments

comments

یہ بھی پڑھیں