پاکستان سمیت دنیا بھر میں لوگوں کی بڑی تعداد فاسٹ فوڈز کو پسند کررہی ہے، جن میں بالخصوص نوجوان طبقہ سرفہرست ہے، یہ برگر مارکیٹ میں نت نئے انداز سے پیش کیے جاتے ہیں۔
اس بڑھتے ہوئے رجحان کو دیکھتے ہوئے برگر فروش نوجوانوں کو راغب کرنے کیلئے منفرد اور جدید انداز میں اپنے برگرز تیار کرکے پیش کررہے ہیں۔
حال ہی میں بھارتی شہری کے ٹوئٹر اکاؤنٹ سے شئیر کی گئی ایک ویڈیو سوشل میڈیا پر وائرل ہو رہی ہے جس میں ’پان برگر‘ منفرد انداز میں بنایا جارہا ہے۔
بیف، چکن اور چپلی کباب کے بعد ’پان والا برگر‘ کی ویڈیو انٹرنیٹ پر وائرل ہوگئی ہے مگر پان والا برگر کی ویڈیو وائرل ہونے کے بعد سوشل میڈیا صارفین اس پر اپنے شدید ردعمل کا اظہار کررہے ہیں۔
سوشل میڈیا کے مختلف پلیٹ فارمز پر وائرل ویڈیو میں دیکھا جا سکتا ہے کہ سڑک پر برگر فروش برگر کو نئی جدت دیتے ہوئے پان والا برگر تیار کر رہا ہے۔
Just when we thought we have seen it all 😕
Paan Burger. pic.twitter.com/ndI4dPx5cY
— Azhar Jafri Videowala (@zhr_jafri) April 26, 2023
ویڈیو میں دکاندار کو برگر میں مختلف اجزاء جیسے کہ برفی، چاکلیٹ، چاکلیٹ سیرپ، بادام، مایونیز، پان کا پتا اور مختلف میٹھے مسالے استعمال کرتے ہوئے دیکھا جاسکتا ہے۔
ویڈیو سوشل میڈیا پر وائرل ہونے کے بعد کئی صارفین نے ناگواری کا اظہار کیا تو کسی نے دلچسپ تبصرے بھی کیے۔
اس ویڈیو کے کمنٹ سیکشن سے اندازہ لگایا جا سکتا ہے کہ انٹرنیٹ صارفین اور کھانے پینے کے شوقین افراد کو یہ فوڈ کمبینیشن بالکل پسند نہیں آرہا ہے۔
