کراچی : لاہور ، گوجرانوالہ اور پنجاب کے دیگر شہروں کے بعد راتوں رات کراچی میں وزیراعظم نوازشریف کے حق میں بینرز لگ گئے، عبارت میں قائد سے وفاداری کا بھرپور اظہار کیا گیا ہے۔
تفصیلات کے مطابق لاہور سمیت پنجاب بھر کے بعد سندھ میں وزیراعظم نوازشریف کے حق میں راتوں رات بینرز لگے گئے، ڈبل کیبن میں سوار لیگی متوالوں نے کراچی ریڈ زون ایریا کے کھمبے، اوور ہیڈ برج قائد کے حق میں بینرز سے سجا دیئے، بینرز کی عبارت سے ظاہر ہے کہ پاناما کا فیصلہ شریف خاندان کے حق میں آئے یا خلاف، متوالے ہر صورت ساتھ رہیں گے۔
گورنرہاؤس کراچی سمیت پریس کلب اور اطراف کےعلاقوں میں لگے بینرز میں ’امن ہو یا جنگ قائد کے سنگ‘ کا نعرہ درج ہے جبکہ ’قائد کے اشارے میں خون کی قربانی‘ کے بینرز بھی آویزاں کئے گئے ہیں۔
اس سے قبلگوجرانوالہ شہر بھر میں مسلم لیگ کے ممبران قومی و صوبائی اسمبلی کی جانب سے وزیر اعظم نواز شریف کے حق میں بڑے بڑے بینرز اور پوسٹر اویزاں کر دیے گئے ہیں، جن پر ’نواز شریف تیراایک اشارا حاضر حاضر لہو ہمارا‘ اور ’میاں تیرے جانثار بے شمار‘ کے مکالمات درج ہیں، بینرز اور پوسٹ لگانے کی مہم میں تما م ممبران قومی و صوبائی اسمبلی ایک دوسرے پر سبقت لے جانے کے لیے کوشاں ہیں، بینر اور پوسٹر جی ٹی روڈ سمیت شہر کی مختلف مقامات پر لگائے گئے ہیں۔
مزید پڑھیں : پاناماکیس: ‘قائد تیرا ایک اشارہ،حاضر حاضرلہو ہمارا‘ کے بینرز آویزاں
یاد رہے گزشتہ روز لاہور میں سعد رفیق کے حلقے سے وزیراعظم کے حق میں شروع ہونے والی بینر مہم راتوں رات پورے ملک میں پھیل گئی، خواجہ سعد رفیق کے حلقے میں وزیراعظم نوازشریف کے حق میں بینرزآویزاں کئے گئے تھے ، ان بینرز پر وزیراعظم کے ساتھ خواجہ سعد رفیق، ایم پی اے یاسین سوہل اور ایم پی اے میاں نصیرکی تصاویر بھی لگی ہوئی تھیں۔
سرخ بینرز پر ’ قائد تیرا ایک اشارہ، حاضر حاضر لہو ہمارا‘ درج تھا جبکہ سبز رنگ کے بینر میں ’قدم بڑھاؤ نوازشریف ہم تمہارے ساتھ ہیں ‘ کا نعرہ درج تھا ۔
مزید پڑھیں : کمیشن بنے گا یا وزیراعظم نااہل؟ پاناما کیس کا فیصلہ آج سنایا جائے گا
واضح رہے کہ پاناما کیس کا فیصلہ ستاون روز بعد آج دوپہر دو بجے سنایا جائے گا، کیس کا فیصلہ کورٹ روم نمبر ون سے جاری کیا جائے گا، ملکی تاریخ کے تمام بڑے فیصلے اسی تاریخی کمے مین سنائے گئے ہیں۔
