تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

پاناما کیس کی سماعت آج، وزیر اعظم کی وکلا کو کم سوال کرنے کی ہدایت

اسلام آباد: پاناما لیکس سے متعلق سپریم کورٹ کی جانب سے فریقین کو دیے جانے والے نوٹس پر شریف خاندان کے افراد آج جواب جمع کروائیں گے جبکہ عمران خان ، سراج الحق اور شیخ رشید ٹی او آرز جمع کروائیں گے، عمران خان نے آج سماعت میں پیش ہونے کا فیصلہ کیا ہے۔

تفصیلات کے مطابق پاناما لیکس کی تحقیقات سے متعلق سپریم کورٹ کی جانب سے فریقین کو دیے جانے والے نوٹس کی 2 روزہ مدت آج ختم ہورہی ہے، اس ضمن میں شریف خاندان آج عدالت میں جواب داخل کروائے گا جبکہ چیئرمین تحریک انصاف نے سماعت میں پیش ہونے کا فیصلہ کیا ہے۔

نمائندہ اے آر وائی راشد حبیب کے مطابق شریف خاندان کی جانب سے پاناما لیکس کے معاملے پر صبح ساڑھے 11 بجے نوازشریف اور اُن کے بچے مریم، حسن اور حسین نواز کے علاوہ داماد کیپٹن صفدر بھی عدالت میں جواب جمع کروائیں گے۔

پڑھیں: پانامہ لیکس کیس ، سپریم کورٹ کا فریقین سے تحریری جواب طلب

اینکر پرسن صابر شاکر نے اس خبر پر تبصرہ کرتے ہوئے کہا کہ  شریف خاندان کو جواب داخل کرانے کے لیے دی گئی ڈیڈ لائن آج ختم ہورہی ہے اس لیے ممکن ہے کہ مختصر جواب داخل کرادیا جائے تاکہ مخالف فریق کو کچھ کہنے کا موقع نہ ملے۔

ذرائع کے مطابق وزیر اعظم محمد میاں نواز شریف نے پاناما کیس کی جلد از جلد تحقیقات کے لیے زیر سماعت کیس میں اپنے وکلا کو بلا جواز اعترا ض کرنے سے منع کیا ہے۔

ذرائع کا کہنا ہے کہ وزیر اعظم نے اپنے وکلا کو ہدایت کی ہے کہ وہ شفاف تحقیقات کے لیے زیر سماعت کیس کے دوران کم سے سوالات کریں تاکہ عدالتی فیصلہ جلد از جلد آئے۔

دوسری جانب سپریم کورٹ کے نوٹس پر تحریک انصاف کے چیئرمین عمران خان خود اور جماعت اسلامی کے امیر سراج الحق اور عوامی مسلم لیگ کے سربراہ شیخ رشید ٹی او آرز عدالت میں جمع کروائیں گے، تحریک انصاف کا موقف ہے کہ ہمارے ٹی او آرز متحدہ اپوزیشن والے ہی ہیں۔

یاد رہے کہ گزشتہ روز سپریم کورٹ نے پاناما لیکس کی تحقیقات اور وزیراعظم کی نااہلی کے لیے دی گئی درخواستوں پر سماعت میں نواز شریف اور اُن کے اہل خانہ کو 2 روز میں جواب طلب کرنے کا حکم دیا تھا جبکہ فریقین سے ٹی او آر اور کمیشن کی تجویز سے متعلق حتمی جواب 3 نومبر تک تحریری طور پر طلب کیا تھا۔

Comments

- Advertisement -