اسلام آباد: پانامہ کی لا فرم ’موزیک فانسیکا‘ کی منظرِعام پر آنے والی انتہائی خفیہ دستاویزات سے پاکستان سمیت دنیا کی کئی طاقت وراور سیاسی شخصیات کے خفیہ مالی معاملات طشت از بام ہوگئے۔
تفصیلات کے مطابق ان دستاویزات میں روس کے صدر ولادی میر پیوٹن اوران کے قریبی ساتھی، سعودی عرب کے فرمانروا، آئس لینڈ کے وزیراعظم اور پاکستان کے نواز شریف اور ان کے سمیت درجنو ں عالمی حکمرانوں کے نام شامل ہیں۔
ذرائع کے مطابق موزیک فانسیکا کے نجی ڈیٹا بیس سے 2.6 ٹیرا بائٹس پر مشتمل عام ہونے والی اس معلوما ت کو امریکی سفارتی مراسلوں سے بھی بڑا قرار دیا جا رہا ہے۔
پاناما پیپرز کی جانب سےانٹرنیشنل کنسرشیم آف انویسٹی گیٹو جرنلسٹ کی ویب سائٹ پر جاری ہونے والے اس ڈیٹا میں وزیر اعظم نواز شریف کے اہل خانہ کی آف شور ہولڈنگز کا ذکر بھی موجود ہے۔
ویب سائٹ پر موجود ڈیٹا کے مطابق،وزیر اعظم کے بچوں مریم، حسن اور حسین ’کئی کمپنیوں کے مالکان یا پھر ان کی رقوم کی منتقلی کے مجاز تھے‘۔
ڈیٹا میں مریم کو برٹش ورجن آئس لینڈ میں موجود نیلسن انٹرپرائزز لمیٹڈ اور نیسکول لمیٹڈ کا مالک ظاہر کیا گیا ہے۔ آئی ایس آئی جے کی جاری دستاویزات میں نیلسن انٹرپرائزز کا پتہ جدہ میں سرور پیلس بتایا گیا، جبکہ جون، 2012کی ایک دستاویز میں مریم صفدر کو بینیفیشل آنرقراردیا گیا ہے۔
آئی سی آئی جے کے مطابق، حسین اور مریم نے لندن میں اپنی جائیداد گروی رکھتے ہوئے نیسکول اور دوسری کمپنی کیلئے ڈچ بینک جینیواسے 13.8 ملین ڈالرز قرض حاصل کرنے سے متعلق جون، 2007 میں ایک دستاویز پر دستخط کیے تھے۔
اسی طرح حسن نواز شریف کو برٹش ورجن آئس لینڈز میں ہینگون پراپرٹی ہولڈنگز کا ’واحد ڈائریکٹر‘ ظاہر کیا گیا ہے۔
ہینگون نے اگست، 2007 میں لائبیریا میں واقع کیسکون ہولڈنگز اسٹیبلشمنٹ لمیٹڈ کو 11.2 ملین ڈالرز میں خرید لیا تھا۔
دوسری جانب دیگرعالمی رہنما جن کے اثاثے مذکورہ دستاویزات کے ذریعے عیاں ہوئے ہیں ان میں عراق کے سابق نگراں وزیراعظم ایاد علاوی بھی خفیہ اثاثوں کے مالک ہیں جبکہ برطانوی وزیراعظم ڈیوڈ کیمرون کے والد کے خفیہ اثاثے منظرعام پر آئے ہیں۔
یوکرائن کے صدرپربھی ٹیکس بچانے اورغیرقانونی اثاثہ جات رکھنے کا الزام عائد کیاگیاہے، آئس لینڈ کے صدربھی غیرقانونی اثاثے بنانے والوں میں شامل ہیں۔
انٹرٹینمنٹ کی دنیا میں امیتابھ بچن، ایشوریہ را، جیکی چن اور فٹبال کے مشہورکھلاڑی لیونل میسی بھی خفیہ اثاثہ جات کی فہرست میں شامل ہیں۔
عمران خان کا ردعمل
تحریک انصاف کے سربراہ عمران خان نے اپنے ٹویٹر پیغام میں کہا ہے کہ شریف خاندان کے خفیہ اثاثوں کے متعلق ہمارا موقف درست ثابت ہوگیا، ینب ، ایف بی آراورالیکشن کمیشن اس معاملے پر ایکشن لے۔
Our stance vindicated again as Sharif's wealth stashed abroad exposed. NAB, FBR & ECP must take action. https://t.co/0KatYNz2U8
— Imran Khan (@ImranKhanPTI) April 4, 2016
ایک اور ٹویٹ میں انہوں نے کہا کہ گارجین نامی اخبار کی رپورٹ کے بعد آئس لینڈ کے وزیراعظم مستعفی ہورہے ہیں اورانتخابات کا اعلان ہورہاہے۔ انہوں نے الیکشن کمیشن سے مطالبہ کیا کہ اس معاملے پر آگے بڑھے اور ایکشن لے۔
After The Guardian revelations Iceland's prime minister resigning & snap elections in the offing. The ECP must move on this.
— Imran Khan (@ImranKhanPTI) April 4, 2016