پیراگوئےمیں مشتعل مظاہرین نےپارلیمنٹ کی عمارت کو آگ لگادی -
The news is by your side.

Advertisement

پیراگوئےمیں مشتعل مظاہرین نےپارلیمنٹ کی عمارت کو آگ لگادی

اسونسیون: پیراگوئے میں صدر کو دوبارہ صدارتی انتخاب لڑنے کی اجازت کے بل کےخلاف سینکڑوں افراد نے احتجاج کےدوران پارلیمنٹ کی عمارت کوآگ لگادی۔

تفصیلات کےمطابق پیراگوئے میں صدر کو دوبارہ صدارتی انتخاب لڑنےکےمجوزہ بل کےخلاف احتجاج کرنے والے مظاہرین نے چاردیواری اور کھڑکیوں کو توڑتے ہوئے پارلیمنٹ کی عمارت پر دھاوا بول دیا۔

p1

پیراگوئے میں 1992 میں جو نیا آئین مرتب کیا گيا تھا اس کے مطابق صدر صرف ایک بار ہی پانچ برس کی معیاد کے لیے منتخب ہو سکتا ہے۔

p2

پیراگوئےکے صدر ہوراشیو کارٹیز دوبارہ صدارتی انتخاب لڑنے کے لیےاس آئینی پابندی کو ختم کرنے کے لیے کوشاں ہیں۔ان کی معیاد 2018 میں ختم ہورہی ہے اور وہ دوباہ انتخاب لڑنا چاہتے ہیں۔

p3

خیال رہےکہ جب سینیٹ نے آئین میں ترمیم کے لیے اس بل کو منظوری دی تو اس کے خلاف لوگوں نے باہر نکل کر سڑکوں پر مظاہرہ کیا۔پولیس نے ہجوم کومنتشر کرنے کےلیےربڑ کی گولیوں اور واٹر کینن کا استعمال کیا۔

p4

اس بل کی مخالفت کرنے والوں کا کہنا ہے کہ اس سے ملک کے جمہوری ادارے کمزر پڑ جائیں گے۔

paraguay1

یاد رہےکہ پیراگوئے 1945 سے لے کر 1989 تک آمر جنرل الفیرڈو سٹروزنیر کے ماتحت تھا جنہوں نے بغاوت کے ذریعے اقتدار پر قبضہ کر لیا تھا۔

paraguay2

واضح رہےکہ 1992 میں نئے آئین کے بعد جدید حکومت کا قیام عمل میں آیا لیکن سیاسی جماعتوں کے درمیان آپسی جھگڑوں اور کئی بارناکام بغاوتوں کے سبب ملک میں سیاسی استحکام نہیں آ سکا۔

paraguay3

Comments

comments

یہ بھی پڑھیں