اسلام آباد : وفاقی دارلحکومت اسلام آباد میں پولیو کے قطرے نہ پلانے والے خاندان کیخلاف مقدمہ ہو گا،ڈپٹی کمشنر نے عوام سے درخواست ہے 5سال سے کم عمر کے بچوں کو قطرے ضرور پلائیں۔
تفصیلات کے مطابق وفاقی دارلحکومت اسلام آباد میں پولیو کے قطرے نہ پلانے پرانتظامیہ کی کارروائی جاری ہے ، ڈپٹی کمشنر اسلام آباد حمزہ شفقات نے بتایا کہ پولیو کے قطرے نہ پلانے والے خاندان کیخلاف مقدمہ ہو گا، مقدمہ دفعہ 188کے تحت درج کیا جائے گا۔
حمزہ شفقات کا کہنا تھا کہ 5سے 6خاندان بار بار پولیو کے قطرے پلانےسے انکار کر رہے ہیں، سیکٹرجی 13 میں بچوں کوپولیو کے قطرے نہ پلانے پرکارروائی جاری ہے۔
ڈپٹی کمشنر نے عوام سے درخواست ہے 5سال سے کم عمر کے بچوں کو قطرے ضرور پلائیں۔
خیال رہے ملک بھر میں انسداد پولیو مہم جاری ہے، جس میں4کروڑ سے زیادہ بچوں کو پولیو سے بچاؤ کے قطرے پلانے کا ہدف ہے۔
ذرائع کا کہنا ہے کہ مذکورہ مہم میں 2 لاکھ65 ہزار پولیو ورکرز گھر گھر جا کر بچوں کو پولیو سے بچاؤ کے قطرے پلائیں گے۔
انسداد پولیو پروگرام کے کو آرڈینیٹر ڈاکٹر شہزاد بیگ کا کہنا تھا کہ مذکورہ مہم میں 2 لاکھ65 ہزار پولیو ورکرز گھر گھر جا کر بچوں کو پولیو سے بچاؤ کے قطرے پلائیں گے، اس کے ساتھ بچوں کو وٹامن اے کی اضافی خوراک بھی دی جارہی ہے۔
