بالی ووڈ کی معروف اداکارہ پرینیتی چوپڑا کا کہنا ہے کہ اچھا لڑکا ڈھونڈ کر دیں شادی کرلوں گی۔
بالی ووڈ میں شادیوں کا سیزن چل رہا ہے حال ہی میں اداکارہ کیارا ایڈوانی اور سدھارتھ ملہوترا شادی کے بندھن میں بندھے اس سے قبل اداکارہ اتھیا شیٹی اور کرکٹر کے ایل راہول رشتہ ازدواج میں منسلک ہوئے ایسے میں 34 سالہ اداکارہ پرینیتی چوپڑا کو بھی شادی کرنے کے لیے اچھے لڑکے کی تلاش ہے۔
پرینیتی چوپڑا نے کہا کہ میں اب تک سنگل ہوں اور شادی کے لیے اچھا لڑکا ڈھونڈ رہی ہوں۔
View this post on Instagram
انہوں نے ازراہ مذاق کہا کہ ’آپ مجھے ایک لڑکا ڈھونڈ کر دے دیں تو میری لائف سیٹ ہوجائے گی اگر آپ کے پاس کوئی تجاویز یا سفارشات ہیں تو میں سننے کے لیے تیار ہوں۔‘
پرینیتی چوپڑا کا کہنا تھا کہ ’میں ایک بہترین کیریئر بنانے کی بھی خواہشمند ہوں جو مجھے بلندیوں پر لے جائے اور میں نجی زندگی، کیریئر کو ساتھ لے کر چلنا چاہتی ہوں۔‘
ایک سوال کے جواب میں اداکارہ نے کہا کہ ابھی تک میری زندگی میں کوئی نہیں ہے نہ ہی کسی کے ساتھ ڈیٹ کررہی ہوں۔
View this post on Instagram
واضح رہے کہ پرینیتی چوپڑا نے گزشتہ سال سورج برجاتیا کی فلم اونچائی میں اداکاری کے جوہر دکھائے تھے جو باکس آفس پر کامیاب ثابت ہوئی تھی۔
