پیرس: خوشبوؤں کے شہر پیرس میں فیشن کی دنیا کی رنگینیاں چھائی ہوئی ہیں۔
پیرس میں جاری فیشن ویک میں دنیا بھر کے نامور ڈیزائنر اپنے ملبوسات کی نمائش کر رہے ہیں۔ شو میں مشہور فیشن برانڈ "ڈی اور” کی کلیکشن نمائش کیلئے پیش کی گئی۔
موسم سرما کے گرم ملبوسات نے ماحول گرما دیا، دلکش ملبوسات زیب تن کئے ماڈلز نے ریمپ پر واک کی۔فیشن شو مٰیں شائقین کی بڑی تعداد اور مشہور شخصیات نے ملبوسات کی کلیکشن خوب سراہا۔
پیرس فیشن ویک پورے آب و تاب کے ساتھ فیشن کی دنیا میں موسم سرما اور موسم خزاں کے نت نئے ڈیزائن متعارف کروارہاہے۔ اس بار جاپانی ڈیزائنر اور پیرس فیشن ہاوٴس کے ملبوسات لوگوں کی توجہ کا مرکز بنے، ایونٹ کو دیکھنے امریکی فنکار بھی پہنچے۔
دنیا بھر سے تعلق رکھنے والے ڈیزائنرز روز پیرس فیشن ویک میں اپنی صلاحیتوں کا لوہا منوارہے ہیں۔پیرس کے معروف میوزیم لوو میں جہاں فیشن کے دلدادہ نئے نئے طرز کے ملبوسات کا کلیشن دیکھ رہے ہیں، وہاں ڈیزائنرز بھی شرکاء کی پسندیدگی سے خوش ہورہے ہیں۔
ایونٹ کو دیکھنے امریکی ریئلٹی شو اسٹار کرس جینر اور معروف امریکی اداکارہ جیسیکا البا نے بھی شرکت کی۔ پیرس فیشن ویک نو مارچ تک اپنی رنگینیاں کھرتا رہے گا۔
