فرانس کے دارالحکومت پیرس کے شمالی حصے میں واقع ’ری سائیکلنگ پلانٹ‘ عمارت کو آگ نے لپیٹ میں لے لیا۔
غیر ملکی ذرائع ابلاغ کے مطابق آتشزدگی پیرس کے سب سے بڑے ری سائیکلنگ پلانٹ میں سے ایک میں ہوئی اور دھوئیں کے بادل میلوں دور سے دکھائی دے رہے ہیں۔
رپورٹس کے مطابق 2 سو سے زائد فائر فائٹرز آگ پر قابو پانے کے لیے کوششوں میں مصروف ہیں۔ عوام سے اپیل کی گئی ہے کہ وہ متاثرہ عمارت سے دور رہیں تاکہ ریسکیو اداروں کو کسی قسم کی مشکلات پیش نہ آئیں۔
حکام کا کہنا ہے کہ آگ زیر زمین حصے میں لگی تھی جو تیزی سے پھیل گئی، پلانٹ سن 2019 میں قائم کیا گیا تھا۔
واضح رہے کہ گزشتہ ماہ فرانسیسی فضائیہ کے ایروبیٹک ٹیم کے 2 طیارے دوران مشق آپس میں ٹکرا گئے، جس کی ویڈیو منظر عام پر آگئی۔
فرانسیسی فضائیہ کے طیاروں کے درمیان یہ حادثہ نارتھ ایسٹرن فرانس کے علاقے سینٹ ڈیزیے کے قریب پیش آیا، حادثے کے دوران 2 پائلٹ اور ایک مسافر طیارے سے باہر نکلنے میں کامیاب ہو گئے۔
View this post on Instagram
رپورٹس کے مطابق ایک طیارہ گودام نما ٹاور سے ٹکراگیا، جس کے باعث شدید آگ بھڑک اٹھی اور آسمان کی جانب دھواں اُٹھنے لگا۔ خوفناک حادثے میں 2 پائلٹس اور ایک مسافر باہر نکلنے میں کامیاب ہوگئے جبکہ 3 دیگر افراد بے ہوش ہو گئے۔
