The news is by your side.

Advertisement

پارلیمنٹ لاجز واقعہ ، جے یو آئی سینیٹر کی شیخ رشید کیخلاف مقدمہ درج کرنے کیلئے درخواست

اسلام آباد‌ : جمعیت علماء اسلام کے سینیٹرکامران مرتضیٰ نے وزیر داخلہ شیخ رشید کیخلاف مقدمے درج کرنے کیلئے درخواست جمع کرادی۔

تفصیلات کے مطابق سینیٹر کامران مرتضیٰ کی وزیر داخلہ اور دیگر کے خلاف مقدمے کیلئے درخواست جمع کرادی، درخواست میں کہا گیا ہے کہ پولیس ایم این اے لاج کا دروازہ توڑ کر زبردستی گھسی۔

معیت علمائے اسلام (ف) کے سینیٹر کامران مرتضیٰ نے جمعرات کو وزیر داخلہ شیخ رشید احمد کے خلاف مقدمہ درج کرنے کے لیے درخواست جمع کرادی۔

کامران مرتضیٰ کا کہنا تھا کہ اے ڈی سی، ڈی آئی جی اور وزیر داخلہ کی ایما پر ہم پر تشدد کیا گیا۔

جمعیت علماء اسلام کے سینیٹر کامران مرتضیٰ کی جانب سے اندراج مقدمہ کی درخواست تھانہ سیکرٹریٹ میں جمع کرائی گئی ہے۔

گذشتہ روز پارلیمنٹ لاجز میں اس وقت غیرمعمولی صورتحال پیدا ہوئی۔ جب انصارالاسلام کے درجنوں رضاکار احاطے اور لاجز میں گشت کرنے کے ساتھ ساتھ ریہرسل کرتے ہوئے نظر آئے۔

میڈیا پر خبریں نشر ہونے کے بعد وفاقی وزیر داخلہ اور انتظامیہ حرکت میں آئی اور ڈی آئی جی کی ہدایت پر پولیس کی بھاری نفری نے آپریشن کر کے پارلیمنٹ لاجز میں موجود انصارالاسلام کو باہر نکالا۔

اس دوران کارکنوں اور پولیس کے مابین ہاتھاپائی ہوئی، جس سے صورتحال مزید کشیدہ ہو گئی، پولیس نے کارکنان کے ساتھ وہاں موجود ارکان اسمبلی اور سینیٹر کامران مرتضیٰ کو حراست میں لینے کے بعد چھوڑ دیا۔

Comments

یہ بھی پڑھیں