اسلام آباد: نئے چیف جسٹس کے تقرر کے لیے پارلیمانی کمیٹی کا اجلاس ملتوی کردیا گیا ہے، سنی اتحاد کونسل کو منانے کا فیصلہ کیا گیا ہے۔
اے آر وائی نیوز کے مطابق اسپیشل سیکریٹری قانون سازی مشتاق احمد نے پارلیمانی کمیٹی کی صدارت کی، صاحبزادہ حامد رضا، بیرسٹر گوہر، علی ظفر نے اجلاس کا بائیکاٹ کیا۔
پارلیمانی کمیٹی نے سنی اتحاد کونسل کو منانے کے لیے چار رکنی وفد تشکیل دینے کا فیصلہ کیا، وفد سنی اتحاد کونسل کمیٹی ارکان سے ملاقات کرے گا۔
وزیر قانون اعظم نذیر تارڑ کا کہنا ہے کہ اجلاس کی خوبصورتی ہوگی کہ سنی اتحاد کونسل کو بھی منا کر لایا جائے۔
انہوں نے کہا کہ پارلیمانی کمیٹی کے اجلاس میں جمہوری لوگ ہیں، راجہ پرویز اشرف، احسن اقبال، رعنا انصار، کامران مرتضیٰ ان کو منائیں گے۔
اعظم نذیر کا کہنا تھا کہ کمیٹی کا دوبارہ اجلاس رات ساڑھے آٹھ بجے ہوگا، اسپیکر ایاز صادق سے بھی درخواست کریں گے کہ وہ بھی پی ٹی آئی سے بات کریں۔
