The news is by your side.

Advertisement

سری لنکا میں آج پارلیمانی انتخابات ہورہے ہیں

کولمبو: سری لنکا کے عوام آج پارلیمانی انتخابات میں اپنا حقِ رائے دہی استعمال کررہے ہیں، سابق صدر مہندرا راجا وزارتِ عظمیٰ کے لئے مضبوط امیدوار ہیں۔

تفصیلات کے مطابق سری لنکا میں پارلیمنٹ کی 225 نشستوں کے لیے ووٹنگ جاری ہے۔ پولنگ کا عمل مقامی وقت کے مطابق صبح 7 بجے ہوا جو بغیر کسی وقفے کے شام 5 تک جاری رہے گا۔

پولنگ کے دوران ڈیڑھ کروڑ سے زائد عوام جوش و خروش اپنا حق رائے دہی استعمال کررہے ہیں۔ پولنگ کے لئے ملک بھرمیں 12ہزار 300 سے زائد پولنگ اسٹیشنز قائم کئے گئے ہیں جب کہ کسی بھی ناخوشگوار واقعے سے نمٹنے کے لئے 74 ہزار پولیس اہلکاروں کو تعینات کیا گیا ہے۔

مبصرین کا کہنا ہے کہ رواں برس صدارتی انتخابات میں غیرمتوقع شکست سے دوچار ہونے والے سابق صدر مہندرا راجا پاکسے کامیابی حاصل کرتے ہوئے ملک کے آئندہ وزیراعظم بنیں گے۔

Comments

comments

یہ بھی پڑھیں