آپ نے سوشل میڈیا پر یوں تو جانوروں کی شرارتوں پر مبنی بے شمار حیرت انگیز ویڈیوز دیکھیں ہوں گی لیکن ایک ویڈیو ایسی بھی ہے جس میں ایک پرندہ موبائل فون سے پورے علاقے کے فضائی منظر کو کیمرے میں قید کرلیتا ہے۔
طوطے کی ایک شخص کا موبائل فون پکڑ کر اڑنے کی ویڈیو سوشل میڈیا پر وائرل ہو گئی ہے، ویڈیو میں دکھایا گیا ہے کہ ایک لڑکا طوطے کے پیچھے بھاگ رہا ہے جب وہ فون چوری کرتا ہے اور اڑ جاتا ہے۔
جیسے ہی طوطا تیزی سے اڑتا ہے اس نے پورے محلے کے مناظر، گلیوں ، مکانوں کی چھتوں کا ایک خوبصورت نظارہ پیش کیا۔ اس دوران وہ لڑکا جس کا فون طوطے قبضے میں ہے اس کے پیچھے بھاگ رہا ہے۔
تقریبا ایک منٹ تک اڑنے کے بعد طوطا ایک عمارت کی بالکونی کی ریلنگ پر رک جاتا ہے لیکن پھر دوبارہ اڑ جاتا ہے جب اسے محسوس ہوتا ہے کہ لوگ اس کا پیچھا کررہے ہیں۔
Parrot takes the phone on a fantastic trip. 😳🤯😂🦜 pic.twitter.com/Yjt9IGc124
— Fred Schultz (@fred035schultz) August 24, 2021
اس ویڈیو پر لاکھوں ویوز اور ہزاروں ری ٹوئٹس ہیں کچھ صارفین کو یہ ویڈیو بہت پسند آئی اور اس طوطے کو ماحول دوست ڈرون قرار دیا۔
دوسری جانب کچھ صارفیں کا یہ بھی کہنا تھا کہ ویڈیو مستند نہیں ہے کیونکہ پرندے کے پر حقیقی نہیں ہیں، زمین اورعمارتوں پر اس کے سائے بہت گہرے ہیں۔
ایک صارف نے کہا کہ ظاہر ہے کہ بنائی گئی ویڈیو میں طوطے کے پاس ایسا کوئی ذریعہ نہیں کہ وہ فون کو اس طرح اپنے ساتھ لے جائے، اس شاٹ کے لیے پرندے پر ایک کیمرہ لگا ہوا تھا مجھے اس سے قطع نظر یہ ویڈیو پسند آئی۔