چیئرمین تحریک انصاف بیرسٹر گوہر نے پارٹی رہنماؤں میں چقلش اور اختلافات کی خبریں آنے پر سینئر رہنماؤں کو اہم ہدایت جاری کر دی۔
تفصیلات کے مطابق بیرسٹر گوہر نے مرکزی رہنماؤں علی امین گنڈاپور، اسدقیصر اور تیمورجھگڑا سے رابطے کر کے انہیں ایک دوسرے کے خلاف بیان بازی سے روک دیا۔
چیئرمین پی ٹی آئی نے کہا کہ آئندہ پارٹی عہدیدار عوامی سطح پر اختلافات کا اظہار نہیں کریں گے پارٹی اپنے تمام معاملات مناسب فورم پر ہی حل کرے گی۔
ذرائع کے مطابق بیرسٹر گوہر نے وزیراعلیٰ علی امین گنڈاپور کے بیان پر تشویش کا اظہار کیا ہے اور وہ صورتحال پر بانی پی ٹی آئی کو بھی اعتماد میں لیں گے۔
