اسلام آباد : مسلم لیگ ن کے رہنما حنیف عباسی کا کہنا ہے کہ دو یا تین سال حکومت کرنے کی آفر سے متعلق علم نہیں، نوازشریف وزیراعظم ہوں گے یا شہبازشریف فیصلہ پارٹی کرے گی۔
تفصیلات کے مطابق مسلم لیگ ن کے رہنما حنیف عباسی نے اے آر وائی نیوز کے پروگرام باخبر سویرا میں خصوصی گفتگو کرتے ہوئے کہا کہ وزیراعظم کس نے بننا ہے یہ پارٹی کااندرونی معاملہ ہے، نوازشریف یا شہباز شریف وزیراعظم ہوں گے اور فیصلہ پارٹی کرے گی۔
حنیف عباسی کا کہنا تھا کہ دو یا تین سال حکومت کرنے کی آفر سے متعلق علم نہیں، نہ پارٹی میں گفتگوہوئی ، یہ بچوں کا کھیل نہیں کہ آدھا آدھا بانٹ لیں ،اس طرح توملک نہیں چلتے۔
پی پی اور ن لیگ کے مذاکرات کے حوالے سے انھوں نے بتایا کہ جومذاکرات چل رہےہیں اس سے پہلے ہمیں حلف لیناہے، 29تاریخ سےقبل حکومت کی تشکیل ہونی ہے۔
ن لیگی رہنما کا کہنا تھا لپ پیپلزپارٹی ملک سے مخلص ہےتواسےمذاکرات میں ہوئی بات چیت منظرِعام پہ نہیں لانی چاہیے، اس گفتگو سے اتفاق بھی نہیں کرتا،گڈاگڈی کا کھیل نہیں، ملک جس صورتحال سےگزررہاہےسب کو قربانی دینا پڑے گی۔
