لاہور : تحریک انصاف کے صدر اور سابق وزیر اعلیٰ پنجاب چوہدری پرویزالٰہی نے لاہور ہائی کورٹ میں جیل میں بہتر کلاس دینے کی درخواست دائر کردی۔
پرویز الٰہی کی جانب سے ان کے وکیل عامر سعید راں نے درخواست دائر کی، درخواست میں مؤقف اختیار کیا گیا ہے کہ میں سابق وزیراعلیٰ ہوں جیل میں بہتر کلاس ملنا میرا قانونی حق ہے۔
درخواست کے متن میں لکھا ہے کہ پہلے عدالتی حکم پر اے سی اور دیگر سہولیات فراہم کی گئی تھیں لیکن جیل حکام نے وہ تمام سہولیات دوبارہ واپس لے لی ہیں۔
- Advertisement -
انہوں نے عدالت سے استدعا کی کہ عدالت اے سی، گھر کے کھانے، ادویات اور علاج معالجے سمیت دیگر روکی گئی سہولیات فراہم کرنے کا حکم جاری کرے۔
