لاہور: ڈپٹی سپرنٹنڈنٹ اڈیالہ جیل کے مطابق چوہدری پرویز الہٰی واش روم میں گر کر زخمی ہو گئے ہیں۔

تفصیلات کے مطابق پرویز الہٰی و دیگر کے خلاف پنجاب اسمبلی میں جعلی بھرتیوں کے کیس میں ڈپٹی سپرنٹنڈنٹ اڈیالہ جیل نے عدالت میں میڈیکل رپورٹ پیش کرتے ہوئے کہا کہ پرویز الہٰی جیل کے واش روم میں گر کر زخمی ہو گئے ہیں۔

رپورٹ میں کہا گیا ہے کہ پرویز الہٰی کو چلنے پھرنے میں مشکل کا سامنا ہے، خدشہ ہے کہ ان کو فریکچر ہوا ہے، تاہم یہ رپورٹ آنے پر کنفرم ہوگا، ڈپٹی سپرنٹنڈنٹ اڈیالہ جیل نے کہا کہ پرویز الہٰی کو ڈاکٹرز نے دو ہفتوں کے آرام کا مشورہ دیا ہے۔

اینٹی کرپشن عدالت لاہور نے کیس کی سماعت کل تک ملتوی کرتے ہوئے پراسکیوشن سے حتمی دلائل طلب کر لیے ہیں۔

Comments