وزیرِ اعلیٰ پنجاب چوہدری پرویز الہٰی کے وکیل بیرسٹر علی ظفر کا کہنا ہے کہ گورنر کا نوٹیفکیشن واپس لینے کا اقدام درست ہے انہوں نے غلطی تسلیم کر لی۔
پرویز الہٰی کے وکیل بیرسٹر علی ظفر نے میڈیا سے گفتگو کرتے ہوئے کہا کہ آئین اور قانون کی بالادستی ہوئی ہے، گورنر پنجاب نے تسلیم کر لیا کہ ان کا حکم غیر آئینی تھا۔
پرویز الہٰی کے وکیل نے کہا کہ گورنر کا نوٹیفکیشن واپس لینے کا اقدام درست ہے انہوں نے غلطی تسلیم کر لی، گورنر غیر سیاسی ہو کر آئینی فیصلے کریں گے تو ہی آئین کی بالادستی ہو گی۔
وکیل علی ظفر کا کہنا تھا کہ اب چوہدری پرویز الہٰی اور ان کی کابینہ بحال ہو چکی ہے، اسمبلی توڑنا یا نہ توڑنا سیاسی معاملہ ہے اس پر سیاسی جماعت بات کرے گی۔
انہوں نے مزید کہا کہ آئین کے تحت وزیر اعلیٰ کا حق ہے کہ وہ اسمبلی تحلیل کر سکیں، صرف عدم اعتماد کی وجہ سے اسمبلی تحلیل نہیں ہو سکتی اس کیس میں عدم اعتماد ہو ہی نہیں ہو سکی ہے
