The news is by your side.

Advertisement

پرویزخٹک کا شہید پروفیسرحامد حسین کےگھرجا کراظہارتعزیت

صوابی : وزیر اعلیٰ خیبر پختونخوا پرویز خٹک صوابی میں باچا خان یونیورسٹی سانحہ کے شہید پروفیسر حامد حسین کے اہلخانہ سے تعزیت کیلئے ان کے گھر پہنچ گئے۔

اس موقع پر شہید پروفیسر کے گھرپرسوگ کاعالم تھا اور لوگ تعزیت کےلئےآرہے تھے۔ وزیراعلٰی پرویز خٹک پہنچے تو شہید کےگھروالوں کےصبرکاپیمانہ لبریزہوگیا۔

شہید کےبیٹے کوگود میں اٹھائے ایک رشتہ دار بھڑک اٹھا،اور وزیراعلیٰ کو مخاطب کرتےہوئے کہا کہ اس بچے کا کیا کریں گے۔ اگرآپ ہماری حفاظت نہیں کرسکتےتواستعفٰی دے دیں، ہمیں انصاف چاہیئے۔

اس کا کہنا تھا کہ دہشت گرد کب تک بے گناہ شہریوں کی جانوں سے کھیلتے رہیں گے، پرویزخٹک سرجھکائے ان کی باتیں سنتےرہے۔ کچھ دوسرے لوگوں نے بھی کہاکہ یہ کیسی حکومت ہے جس میں ہمارے بچے محفوظ نہیں،ہم سب کوماردو،ختم کردو۔

وزیراعلٰی پرویزخٹک نے شہید کے بزرگوں کودلاسا دیا۔ فاتحہ خوانی بھی کی۔ دوسری جانب ترجمان وزیر اعلیٰ ہاؤس نے دعویٰ کیا ہے کہ وزیراعلیٰ پوریز خٹک نےشہید پروفیسر کےوالد کو ایک کروڑ54لاکھ روپے کاچیک دیا۔

ترجمان نے کہا کہ ہلڑبازی کرنے والےشخص کاشہید کےخاندان سے کوئی تعلق نہیں ہے۔

Comments

comments

یہ بھی پڑھیں