اسلام آباد : وفاقی وزیر اطلاعات پرویز رشید نے کہا ہے کہ وفاقی حکومت گلگت بلتستان کی ترقی کے لئے مؤثر اقدامات کر رہی ہے اور پاک چین اقتصادی راہداری علاقے کی ترقی میں سنگ میل ثابت ہو گا۔
اسلام آباد میں گلگت بلتستان کی یوم آزادی کے حوالے سے تقریب میں خطاب میں انہوں نے کہا کہ کچھ شر پسند عناصر نے گلگت بلتستان میں امن کو خراب کرنے کی کوشش کی لیکن حکومت کی بہتر پالیسیوں کی بدولت قیام امن میں مدد ملی۔
انہوں نے کہا کہ گلگت بلتستان میں بسنے والے لوگ خوبصورت روایات اور ثقافت کے مالک ہیں۔
وزیر اعلی گلگت بلتستان حافظ حفیظ الرحمن نے کہا کہ گلگت بلتستان میں صحت تعلیم،سیاحت،مواصلات و دیگر ترقیاتی منصوبوں پر کام جاری ہے،جلد ہی عوام تبدیلی محسوس کریں گے۔تقریب میں طلبا و طلابات نے علاقائی ثقافت کے ۔حوالے سے خاکے پیش کئے۔
