ہشاور سے دبئی جانے والی پرواز میں مسافرکی ہلڑ بازی کرنے کی ویڈیو سوشل میڈیا پر وائرل ہوگئی۔
اے آر وائی نیوز کے مطابق پی آئی اے کی پرواز میں مسافر نے کھڑکی توڑنے کی کوشش کی طیارے کے عملے نے بڑی مشکل سے مسافر کو قابو کیا۔
ویڈیو میں دیکھا جاسکتا ہے کہ عملے نے قانون کے مطابق مسافر کو اس کی سیٹ سے باندھا ہوا ہے۔
بعدازاں پروٹوکول کے مطابق فلائٹ کے کپتان نے دبئی کے ایئر ٹریفک کنٹرولر سے رابطہ کیا اور سیکیورٹی مانگی۔
#Video A passenger created extreme trouble on a Pakistan International Airlines (PIA) Peshawar-Dubai PK-283 flight as he suddenly started punching seats and kicking the aircraft’s window. pic.twitter.com/bUZ0ZTVNxw
— Ghulam Abbas Shah (@ghulamabbasshah) September 19, 2022
دبئی ایئرپورٹ پر اترتے ہی مسافر کو سیکیورٹی حکام نے اپنی تحویل میں لینے کے بعد ڈی پورٹ کردیا۔
واضح رہے کہ یہ واقعہ 14 ستمبر کو پیش آیا اور پی آئی اے حکام کے مطابق مسافر کو ایئر لائن نے بلیک لسٹ کر دیا تھا۔
ذرائع کا بتانا ہے کہ ہنگامہ آرائی کرنے والے مسافر کی دماغی حالت ٹھیک نہیں تھی۔
