شکاگو: یونائیٹڈ ایئر لائنز میں سفر کررہے ایک شخص نے ایئرہوسٹس کو تشدد کا نشانہ بنایا بنانے کے بعد ایمرجنسی دروازے سے کودنے کی کوشش کی۔
میڈیا رپورٹس کے مطابق یہ واقعہ امریکی ریاست ٹیکساس جانے والی یونائیٹڈ ایئرلائنز میں پیش آیا جہاں ایک مسافر نے ایئرہوسٹس کو مکے مارنے کے بعد ایمرجنسی دروازہ کھول کر خودکشی کی کوشش کی۔
ہوا یہ کہ طیارے میں بیٹھی مسافر نایا جیمینز نے لووینز نامی شخص کی بیوی کو اپنی سیٹ پر پایا تو انہیں اپنی سیٹ پر منتقل ہونے کا کہا جس پر خاتون نے انکار کردیا۔
رپورٹ میں بتایا گیا کہ جب جمنیز جیمینز نے خاتون کے انکار پر ایئرہوسٹس کو مدد کیلئے بلایا تو لووینز نے مداخلت کی اور ایئرہوسٹس سے بحث کرنے لگے، بالآخر مشتعل ہوکر ایئرہوسٹس کو مکے مارنا شروع کردیے۔
بعدازاں ملزم پائلٹ کی جگہ پر بھاگا اور وہاں موجود ایمرجنسی دروازے سے اُس وقت نکلنے کی کوشش کی جب طیارہ اُڑان بھرنے والا تھا۔ قریب تھا کہ ملزم کود جاتا تاہم اُسے پکڑ لیا گیا اور اندر کھینچ لیا گیا۔
ایئرلائنز نے اس واقعے پر شدید ردعمل کا اظہار کرتے ہوئے اسے ناقابل قبول قرار دیا ہے اور مسافر پر یونائیٹڈ ایئرلائنز کی پروازوں پر پابندی لگا دی ہے۔
