کراچی : جعلی دستاویزات پر یونان جانے کی کوشش کرنے والے مسافر کو گرفتار کرلیا گیا ، ملزم کے پاس یونان کا جعلی ریزیڈنٹ پرمٹ کارڈ تھا۔
تفصیلات کے ایف آئی اے امیگریشن نے سیالکوٹ ایئر پورٹ پر کارروائی کرتے ہوئے کہا کہ جعلی دستاویزات پر سفر کرنے والا مسافراللہ بخش کو گرفتار کرلیا۔
ایف آئی اے نے کہا کہ ملزم نے جعلی دستاویزات پر یونان جانے کی کوشش کی، ملزم کے پاس یونان کا جعلی ریزیڈنٹ پرمٹ کارڈ تھا۔
ملزم نے بتایا وہ 2001 سے یونان میں رہائش پذیر ہے، جولائی 2024 پاکستان کاسفر کیاقیام کےدوران کارڈ کھو گیا۔
ترجمان کا کہنا تھا کہ ملزم نے منڈی بہاوالدین کے ایجنٹ جاوید سے 400 یورو میں جعلی ریزیڈنٹ کارڈ حاصل کیا، ملزم کو مزید قانونی کارروائی کیلئے انسداد انسانی اسمگلنگ سرکل گوجرانوالہ منتقل کردی۔
یاد رہے ایف آئی اے امیگریشن نے جناح انٹرنیشنل ائرپورٹ کراچی پر بڑی کاروائی کرتے ہوئے جعلی سفری دستاویزات پر بیرون ملک جانے والے مسافر کو گرفتار کر لیا تھا۔
ایف آئی اے نے بتایا تھا کہ ملزم نے جعلی دستاویزات پر فلائٹ نمبر GF-753 کے ذریعے کراچی سے امریکہ جانے کی کوشش کی، ملزم کی شناخت محمد مقصود کے نام سے ہوئی۔
