The news is by your side.

Advertisement

پشاور ایئرپورٹ پرکسٹم حکام کی کارروائی‘ کروڑوں مالیت کی ہیروئن برآمد

پشاور: صوبہ خیبرپختونخواہ کے دارالحکومت پشاور میں ایئرپورٹ پر کسٹم حکام نے کارروائی کرتے ہوئے کروڑوں روپے مالیت کی آئس ہیروئن برآمد کرلی۔

تفصیلات کے مطابق پشاور میں باچا خان ایئرپورٹ پر کسٹم حکام نے کارروائی کرتے ہوئے مسافر کے بیگ سے 950 گرام آئس برآمد کرلی۔

کسٹم حکام کے مطابق ملزم جمشید کا تعلق خیبرپختونخواہ کے ضلع صوابی سے ہے، ملزم نجی ایئرلائن کی پرواز سے سعودی عرب جا رہا تھا۔

اسسٹنٹ کلکٹر کا کہنا ہے کہ ملزم سے برآمد ہونے والی آئس ہیروئن کی مالیت 9 کروڑ 60 لاکھ روپے ہے، ملزم کو گرفتار کرکے اس کے خلاف مقدمہ درج کرلیا گیا ہے۔

یاد رہے کہ گزشتہ ماہ اسلام آباد ایئرپورٹ پراے این ایف نے بحرین جانے والے مسافر کے قبضے سے 2 کلو آئس ہیروئن برآمد کی تھی۔

اے این ایف کے مطابق ہیروئن بیگ کے خفیہ خانوں میں چھپائی گئی تھی، ملزم نجی ایئرلائن کی پرواز سے بحرین جا رہا تھا۔

اسلام آباد ایئرپورٹ پر اے این ایف کی کارروائی‘ 2 ملزمان گرفتار

واضح رہے کہ 31 جنوری کو اسلام آباد ایئرپورٹ پر اے این ایف نے کارروائی کرتے ہوئے بیرون ملک منشیات سپلائی کرنے والے نیٹ ورک کے 2 افراد گرفتارکیے تھے۔

اے این ایف حکام کا کہنا تھا کہ ملزمان سے کروڑوں مالیت کی ایک کلو سے زائد منشیات برآمد ہوئی ہے، ملزمان قطرایئرلائن کی پروازکیو آر633 اے سے دوحا جا رہے تھے۔

Comments

comments

یہ بھی پڑھیں