The news is by your side.

Advertisement

مسافر طیارے کا ہنگامی راستہ کھول کر ونگ پر چلنے لگا، حیران کن ویڈیو

امریکا میں ایک شخص طیارے کا ہنگامی دروازہ کھول کر ونگ پر چلتا رہا۔

امریکی میڈیا کے مطابق ریاست فلوریڈا کے شہر میامی کے انٹرنیشنل ایئرپورٹ پر اس وقت عملے کو غیرمعمولی ‏صورتحال کا سامنا کرنا پڑا جب پرواز لینڈ ہوتے ہی ایک مسافر ایمرجنسی راستے سے باہر نکل کر ونگ پر کھڑا ہو ‏گیا۔

امریکن ایئرلائن کی پرواز کولمبیا سے میامی پہنچی تھی اور پائلٹ ابھی طیارے کو مقررہ جگہ تک پہنچا ہی نہیں ‏تھا کہ ایک مسافر نے اچانک دروازہ کھول دیا اور ونگ پر چلتا رہا۔

چند لمحوں بعد اس مسافر نے ممنوعہ علاقے میں چھلانگ لگا دی اور وہاں کھڑا ہوگیا۔ صورتحال کو دیکھتے ہوئے ‏سیکورٹی اہلکاروں نے فوری کارروائی کر کے اسے حراست میں لے لیا۔

 

گرفتار شخص امریکی شہری ہے جس سے پوچھ گچھ کی جارہی ہے اور اسپتال سے میڈیکل کروانے کے بعد پولیس ‏اس سے باقاعدہ تحقیقات کرے گی۔

Police arrest American Airlines passenger after he opened emergency exit  and walked onto the win

پولیس کا کہنا ہے کہ مذکورہ شخص نے ونگ سے چھلانگ لگانے کے بعد عملے سے مدد مانگی اور کہا کہ اسے ‏خطرہ ہے۔

Comments

یہ بھی پڑھیں