صومالیہ میں ایک مسافر طیارہ لینڈنگ کے دوران خوفناک حادثے کا شکار ہوگیا جس کی ویڈیو وائرل ہوگئی۔
رپورٹ کے مطابق صومالیہ میں منگل کے روز ایک مسافر طیارہ لینڈنگ کے دوران حادثے کا شکار ہوگیا تاہم اس حادثے میں مسافر محفوظ رہے جبکہ چھ مسافروں کے معمولی زخمی ہونے کی اطلاعات ہیں۔
سوشل میڈیا پلیٹ فارمز پر اس حادثے کی ایک مختصر ویڈیو سامنے آئی ہے، حادثہ اس وقت پیش آیا جب 50 مسافروں اور عملے کو لے کرآنے والا مسافر طیارہ لینڈنگ کے دوران رن وے پر پھسل کر ایک دیوار سے جا ٹکرایا۔
نجا جميع من فيها بأعجوبة .. مشاهد مروعة للحظة تحطم طائرة أثناء هبوطها في مطار مقديشيو في الصومال. pic.twitter.com/ngleKUsh53
— مصدر (@MSDAR_NEWS) July 11, 2023
ویڈیو میں دیکھا جا سکتا ہے کہ طیارہ تیزی کے ساتھ رن وے سے باہر نکلا اور ایک دیوار سے ٹکرا گیا، حادثے میں طیارہ بری طرح ٹوٹ پھوٹ کا شکار ہوا تاہم کسی قسم کے جانی نقصان کی اطلاع نہیں۔
دوسری طرف صومالی سول ایوی ایشن اتھارٹی نے موگادیشو کے بین الاقوامی ہوائی اڈے پر لینڈنگ کے دوران ایک سول مسافر طیارے کے حادثے کا اعلان کیا ہے۔
ایئر ٹرانسپورٹ کے وزیر نے بتایا کہ طیارے میں تقریباً 50 افراد سوار تھے، مقامی صومالی رپورٹس کے مطابق حکام نے اب تک یہ نہیں بتایا کہ طیارہ پھسلنے کی وجہ کیا تھی۔