The news is by your side.

Advertisement

سعودی عرب سے پاکستان پہنچنے والے مسافروں کے ہوش اڑ گئے

کراچی: سعودی عرب سے پاکستان پہنچنے والے مزید 19 مسافروں کے کورونا ٹیسٹ مثبت آگئے۔

تفصیلات کے مطابق سعودی عرب سے کراچی آنے والے مسافروں میں کورونا کی تصدیق کا عمل جاری ہے۔ جناح ایئرپورٹ پر ریاض سے پہنچنے والے 19مسافر میں کورونا وائرس کی تصدیق ہوئی ہے۔

مسافرسعودی ایئرلائن کی پرواز ایس وی708کے ذریعے ریاض سے کراچی پہنچے تھے۔

محکمہ صحت سندھ کا کہنا ہے کہ ریپڈ ٹیسٹ کیے گئے تو 19مسافروں میں کورونا کی تشخیص ہوئی، مسافروں کو قرنطینہ کے لیے اسپتال منتقل کردیا گیا ہے۔

یاد رہے کہ 22 جون کو بھی سعودی عرب سے آنے والے 9مسافر کورونا مثبت نکلے تھے، جس کے بعد مسافروں کو لیاقت آباد قرنطینہ سینٹر منتقل ‏کیا گیا تھا۔ بعد ازاں 25 جون کو بھی 17 مسافر کورونا مثبت نکلے تھے۔

سعودی عرب سے پاکستان آنے والے مسافر بڑی مشکل میں پھنس گئے

کورونا پھیلاؤ کے پیش نظر کراچی کے جناح انٹرنیشنل ایئرپورٹ پر بیرون ملک سے آنے والے ‏‏مسافروں کے لئے سخت اقدامات کیے گئے ہیں۔ محکمہ صحت کی ٹیموں نے خصوصی کاؤنٹر پر ریپڈ ٹیسٹ لیے جا ‏رہے ہیں اور بغیر ٹیسٹ کے کسی ‏بھی مسافر کو ائیرپورٹ سےباہر جانےکی اجازت نہیں دی جارہی۔

Comments

یہ بھی پڑھیں