The news is by your side.

Advertisement

ایئر پورٹس پر مسافروں کے سامان سے قیمتی اشیاء چوری ہونے کا انکشاف

کراچی : ہوائی سفر میں بھی مسافروں کا سامان غیرمحفوظ ہوگیا، ملک کے مختلف ائیرپورٹس پر مسافروں کے سامان سے قیمتی اشیا چوری ہونے لگیں۔

ہوائی جہاز میں سفر کرنے والے ہوشیار رہیں، ملک مختلف ایئر پورٹس سے اندرون اور بیرون ملک جانے والے مسافروں کو نئی مشکل نے گھیر لیا۔

ائیرپورٹ پر مسافر اپنے قیمتی سامان سے محروم ہونے لگے۔ مسافروں کے سامان پر ہاتھ صاف کرنے کی وارداتوں میں اضافہ ہوگیا۔

مسافر اپنے سامان کے چوری ہونے کے ڈر سے فکر مند ہوگئے، انہوں نے چوری میں ملوث افراد کے خلاف فوری کارروائی کا مطالبہ کیا ہے۔

مسافروں نے الزام عائد کیا ہے کہ ائیرپورٹ پر بیگ کے تالے توڑ کر ان میں موجود قیمتی اشیا کو چرا لیا جاتا ہے۔ گزشتہ دنوں پولیس نے کراچی ایئرپورٹ پر کام کرنے والے تین ملازمین کو سامان چوری کے الزام میں گرفتار بھی کیا گیا تھا۔

ذرائع کے مطابق سامان کی چوری ہونے کی واردات طیارے سے ٹرمنل بلڈنگ تک پہچانے کے دوران ہوتی ہے۔ دوسری جانب سول ایوی ایشن اتھارٹی ذرائع کا کہنا ہے کہ جہاز میں باحفاظت سامان کی منتقلی ائیرلائن انتظامیہ کی ذمہ داری ہے۔

Comments

یہ بھی پڑھیں