جمعہ, فروری 7, 2025
اشتہار

بھارتی طیارہ تاحال کراچی ایئرپورٹ پر موجود، مسافروں کو متبادل طیارے سے روانہ کیا جائے گا

اشتہار

حیرت انگیز

کراچی : ایئرپورٹ پر موجود بھارتی طیارے کے مسافروں کو متبادل طیارے سے دبئی روانہ کیا جائے گا، جہاز میں موجود مسافروں کو کھانے پینے کی اشیا پہنچا دی گئیں۔

تفصیلات کے مطابق ترجمان سول ایوی ایشن نے بھارتی طیارے کی ایمرجنسی لینڈنگ کے حوالے سے بتایا کہ بھارتی مسافرطیارہ تاحال کراچی ایئرپورٹ پرموجود ہے، پی آئی اے انجینئر نے کاکپٹ میں جاکر انجن خرابی اور لائٹ انڈیکیٹر کا معائنہ کیا۔

ترجمان کا کہنا تھا کہ جہازمیں موجودمسافروں کو کھانے پینے کی اشیا پہنچا دی گئیں، بھارتی مسافرطیارہ انجن خرابی کےباعث آج صبح 9بجکر17منٹ پر اترا تھا۔

بھارتی مسافر طیارہ کمپنی نے کہا ہے کہ متبادل طیارہ بھیج رہے ہیں، جس کے بعد بھارتی طیارے کے مسافروں کو متبادل طیارے سےدبئی روانہ کیا جائے گا۔

یاد رہے آج صبح دہلی سے دبئی جانیوالے بھارتی طیارے کو انجن میں خرابی کے باعث کراچی ایئرپورٹ پر ایمرجنسی لینڈنگ کرنا پڑی تھی۔

ذرائع نے بتایا تھا کہ بھارتی طیارہ بوئنگ737میں اچانک انجن میں فنی خرابی پیدا ہوئی، جس کے بعد کپتان نے کنٹرول ٹاور سے رابطہ کیا اور کراچی ایئرپورٹ پر ایمرجنسی لینڈنگ کی اجازت طلب کی۔

اجازت ملنے پر طیارے کو باحفاظت اتار لیا گیا، طیارے میں 100 سے زائد مسافرسوار ہیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں