کراچی : سعودی عرب جانیوالی پروازوں کے مسافروں کی مکمل جانچ پڑتال کا فیصلہ کرلیا گیا، عازمین و دیگر مسافروں کا سامان جدید مشینوں سےاسکین کیا جائے گا۔
تفصیلات کے مطابق سول ایوی ایشن نے حج فلائٹ آپریشن سے قبل تیاریاں شروع کردی، سعودی عرب جانیوالی پروازوں کے مسافروں کی مکمل جانچ پڑتال ہوگی۔
ایئرپورٹ پر سعودی عرب سے جدید اسٹیٹ آف آرٹ مشینیں درآمد کی جائے گی ، 10جدید بیگیجزاسکیننگ مشینیں ملک کے مختلف ایئرپورٹس پر نصب ہوں گی۔
سعودی عرب جانیوالے عازمین و دیگر مسافروں کا سامان جدید مشینوں سےاسکین کیا جائے گا، اس سلسلے میں سول ایوی ایشن اتھارٹی نے سعودی حکومت سے رابطہ کیا۔
سیکریٹری ہوابازی اس منصوبے کی نگرانی کر رہے ہیں، جدید مشینیں کراچی،اسلام آباد اور لاہور ایئرپورٹس پر نصب ہوں گی اور جدید مشینیں ایئرپورٹ پر جوائنٹ ونچر کے تحت آپریٹ کی جائیں گی۔
سی اے اے،اے ایس ایف،کسٹم اوردیگر ادارے جوائنٹ ونچر میں شامل ہوں گے، جدید مشینیں نقصان دہ آلات،بارودی مواد جانچنے کی صلاحیتیں بھی رکھتی ہیں۔
