ماسکو: روس میں طیارے کے اندر بادلوں کے بغیر برسات نے سب کو حیران کردیا اور مسافر چھتریاں نکالنے پر مجبور ہوگئے۔
غیرملکی خبررساں ادارے کی رپورٹ کے مطابق روسیا ایئرلائن کی پرواز سے چھٹیاں منانے کے لیے بحیرہ اسود جانے والے مسافر دوران پرواز اچانک پانی ٹپکنے پر حیران رہ گئے جس کی ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ دوران پرواز پانی ٹپکنے پر کچھ مسافروں نے چھتریاں نکال لیں جبکہ کچھ مسافر پانی میں بھیگتے رہے۔
مسافروں کی چھتری پکڑے ہوئے ویڈیو سوشل میڈیا پر خوب وائرل ہورہی ہے جس پر صارفین کی جانب سے ایئرلائن انتظامیہ کو تنقید کا نشانہ بنایا جارہا ہے۔
Volo interno russo #Chabarovsk-Sochi della Rossiya Airlines
I passeggeri sono stati costretti ad usare ombrelli per ripararsi da goccioloni d'acqua, parrebbe per un guasto all'aria condizionata
Ora sotto inchiesta
Non vi lamentate dei treni italiani…pic.twitter.com/HKB1ab66rd
— #POLiticamenteScorretto🎹FR© (@PolScorr) July 11, 2020
روسی ایئرلائن انتظامیہ کی تحقیقات میں یہ بات سامنے آئی کہ چھت سے ٹپکنے والا پانی بارش کا نہیں تھا بلکہ جہاز کا ایئرکنڈیشننگ نظام صحیح کام نہیں کررہا تھا جس کی وجہ سے پانی ٹپکنا شروع ہوگیا۔
رپورٹ کے مطابق اس طرح پانی ٹپکنے کے واقعات ان جگہوں پر پیش آتے ہیں جہاں سینٹرالائزڈ ایئر کنڈیشننگ نظام ہوتا ہے۔
خوش قسمتی سے کوئی بھی مسافر زخمی نہیں ہوا اور طیارے کو نیویارک کے جے ایف کے ہوائی اڈے پر بحفاظت لینڈ کرلیا گیا تاہم طیارے کے اگلے حصے کو شدید نقصان پہنچا۔