سکھر میں ٹرین کی چھت پر سوار مسافر بجلی کے تار سے ٹکرا کر زخمی ہوگئے۔
اے آر وائی نیوز کے مطابق مسافر جیکب آباد سے کراچی جانے والی سکھر ایکسپریس کی چھت پر سوار تھے، آرائیں ریلوے اسٹیشن کے قریب واقعہ پیش آیا۔
زخمیوں میں سے 2 کی حالت تشویشناک ہے۔
واضح رہے کہ اس سے قبل ریلوے حکام کا کہنا تھا کہ میرپور ماتھیلو مال گاڑی حادثے کی وجہ سے ٹرینوں کی آمدورفت میں 14 گھنٹوں تک کی تاخیر ہوئی ہے۔
گرین لائن 10 گھنٹے تاخیر سے کراچی کینٹ پہنچے گی، پشاور سے آنے والی عوام ایکسپریس 10 گھنٹے اور رحمان بابا ایکسپریس 4 گھنٹے تاخیر سے کراچی آئے گی۔
یہ پڑھیں: ٹرین سے سفر کرنے والے مسافروں کے لیے اہم خبر
لاہور سے آنے والی کراچی ایکسپریس 12 گھنٹے بزنس ایکسپریس 14 گھنٹے تاخیر سے پہنچے گی۔
ریلوے حکام کے مطابق سرگودھا سے آنے والی ملت ایکسپریس 12 گھنٹے تاخیر سے رات 12 بجے کراچی پہنچے گی، لاہور سے آنے والی فرید ایکسپریس 13 گھنٹے، قراقرم ایکسپریس 13 گھنٹے تاخیر سے آئے گی۔
کراچی اور لاہور کے درمیان چلنے والی شاہ حسین کو منسوخ کردیا گیا ہے، 6 گھنٹے سے زائد تاخیر پر مسافروں کو ٹکٹ کی پوری رقم واپس کی جائے گی۔
ڈی ایس ریلوے کا کہنا تھا کہ ریفنڈ کے لیے اضافی کاؤنٹرز قائم کردیے گئے ہیں، حیدرآباد ریلوے اسٹیشن پر بھی افسران رات میں موجود رہیں گے۔
