The news is by your side.

Advertisement

مسافروں نے پی آئی اے طیارے کو ڈسٹ بِن بنا دیا، تصاویر وائرل

کراچی: قومی ایئرلائن(پی آئی اے) کے طیارے میں مسافروں نے جگہ جگہ کچرے کے ڈھیر لگا دیے۔

تفصیلات کے مطابق پاکستان انٹرنیشنل ایئرلائن کے چارٹرڈ طیاروں میں صفائی ستھرائی کے انتظامات پر سوالات اٹھ گئے، برطانیہ جانے والی پروازوں کو مسافروں نے کچرا خانہ بنا دیا۔

جہازوں کی اچھی طرح صفائی میں زیادہ وقت لگنے کے باعث جہازوں کی آمد اور روانگی میں تاخیر معمول بن گئی، سوشل میڈیا پر وائرل تصاویر میں ٹوائلیٹ بھی کچرا کنڈی کا منظر پیش کرنے لگا۔

پی آئی اے ترجمان کا کہنا ہے کہ طیارے میں کچرا پھیلنے کے باعث ڈیپ کلیننگ کرانا پڑتی ہے، سوشل میڈیا پر وائرل تصاویر پرواز پی کے 9785 کی ہیں۔

ترجمان نے یہ بھی بتایا کہ مذکورہ پرواز اسلام آباد سے لندن روانہ ہوئی تھی، مسافر عمومی طور پر غیرملکی ایئرلائنز پر احتیاط سے کام لیتے ہیں، مسافروں کو چاہیے کہ وہ صفائی ستھرائی کا خیال رکھیں۔

قومی ایئرلائن نے ماحول کی بہترین کے لیے مسافروں سے صفائی کا خصوصی خیال رکھنے کی اپیل کردی۔

Comments

یہ بھی پڑھیں