کراچی : ڈی جی پاسپورٹ مصطفی جمال قاضی نے پاسپورٹ بنوانے والوں کو بڑی خوشخبری سنادی، جس سے ان کی پاسپورٹس کے اجرا سے متعلق پریشانی کا خاتمہ ہوگا۔
تفصیلات کے مطابق ڈی جی پاسپورٹ مصطفی جمال قاضی کی جانب سے بیان میں کہا گیا ہے کہ اسلام آباد، کراچی، لاہورسمیت بڑے شہروں میں پاسپورٹس کابیگ لاک ختم ہوگیا اور بیرون ملک سے آن لائن اپلائی کرنے والے پاسپورٹس کا بیگ لاک بھی نمٹادیا ہے۔
،ڈی جی کا کہنا تھا کہ اووسیزپاکستانیوں کو24ہزارسےزائد پاسپورٹس ڈلیورکردئیےگئے ، بڑےشہروں میں پہلے انہیں پاسپورٹس دئیے جن کا بیرون ملک زیادہ آنا جانا ہے۔
مصطفی جمال قاضی نے بتایا کہ روزانہ 65ہزار پاسپورٹس پراسس ہوتے ہیں لیکن پرنٹنگ 23ہزار ہورہی تھی تاہم ایک ماہ میں نئےپرنٹرز کی شپمنٹ پاکستان آنےکی امید ہے نئے پرنٹرز آنے سے پاسپورٹس اجرا کا عمل مکمل طور پر نارمل ہوجائے گا۔
یاد رہے دو روز قبل ڈی جی نے بتایا تھا کہ کہ اسلام آباد میں 14 ہزار 673 اور کراچی میں 83 ہزار 227 پاسپورٹس کا اجرا ہوا، لاہور گارڈن ٹاؤن سے 30 ہزار 848 اور رائے ونڈ سے 4 ہزار 872 کیسز نمٹائے گئے جبکہ شادمان سے 11 ہزار 490، کوئٹہ میں 7 ہزار 252، راولپنڈی میں 18 ہزار اور پشاور میں 23 ہزار 145 کیسز نمٹائے گئے۔
خیال رہے پاکستانی پاسپورٹ ریاست پاکستان کے شہریوں کو بین الاقوامی سفر کیلیے جاری کیا جاتا ہے۔ یہ دستاویز آپ کی شناخت اور پاکستانی شہریت کی تصدیق کرتی ہے اور وزارت داخلہ کی شاخ ڈائریکٹریٹ جنرل آف امیگریشن اینڈ پاسپورٹ پاسپورٹ جاری کرنے کی ذمہ داری ادا کرتی ہے۔
عام طور پر عام اور سرکاری پاسپورٹس جاری کیے جاتے ہیں، ان کی میعاد 5 یا 10 سال ہوتی ہے اور 15 سال سے کم عمر بچوں کے لیے 5 سال کا جاری کیا جاتا ہے۔
Currency Rates in Pakistan Today- پاکستان میں آج ڈالر کی قیمت
مشین ریڈ ایبل پاسپورٹ زیادہ محفوظ اور جدید ہیں۔ پاسپورٹ کی درخواست آن لائن یا قونصل خانے میں کی جا سکتی ہے اور اس کے بغیر بین الاقوامی سفر ناممکن ہے۔
