اکثر لوگوں کا پاستا کھانا بہت پسند ہوتا ہے، یہ نہ صرف ذائقے میں عمدہ ہوتے ہیں بلکہ انھیں بنانے میں زیادہ محنت بھی نہیں کرنا پڑتی۔
پاستا نوڈلز کی طرح ہی ہوتے ہیں اور انھیں بھی گندم سے نکلنے والے اجزا سے تیار کیا جاتا ہے۔ دنیا بھر کے لوگوں کے اس پسندیدہ ڈش کی مختلف اقسام ہیں یعنی یہ مختلف شکلوں اور بناوٹ میں دستیاب ہوتا ہے۔ کری ساس اور سلاد کے ساتھ ان کا امتزاج بہترین ہوتا ہے۔
میکرونی
یہ پاستا کی ایسی قسم ہے جسے پاکستان میں کافی پسند کیا جاتا ہے۔ میکرونی کے دانے چھوٹے اور ٹیوب کی شکل کی طرح ہوتے ہیں۔ اسے چیز سے تیار ڈشوں اور سوپ میں استعمال کیا جاتا ہے۔
بو ٹائی پاستا
دوسری اقسام کی نسبت بو ٹائی پاستا سائز میں کافی چھوٹے ہوتے ہیں جبکہ اسے فارفلے کے نام سے بھی جانا جاتا ہے۔ یہ ساس کو آسانی سے جذب کر لیتے ہیں اسے سلاد اور گرلڈ چکن کے ساتھ شوق سے کھایا جاتا ہے۔
ٹیوب پاستا
پاستا کی جو سب سے عام قسم دستیاب ہوتی ہے وہ ٹیوب کی شکل میں ہی ہوتی ہے جسے گاڑھی کریمی کری ساس میں استعمال کیا جاتا ہے۔
لزانا
شیٹ کی طرح کا پاستا لزانا کہلاتا ہے اسے بالخصو ان ڈشز کے ساتھ استعمال کیا جاتا ہے جو بیکڈ ہوتے ہیں۔
فوسلی پاستا
اسپائرل کی شکل کے حامل پاستا فوسلی پاستا کہلاتے ہیں، اس پاستا کی خصوصیت یہ ہے کہ سبزیوں اور گوشت سے بھرپور ساس کے ساتھ اس کا کامبینیشن زبردست ہوتا ہے۔
بکٹینی پاستا
ایشیائی ممالک میں کھائی جانی والی ڈشوں میں بکٹینی پاستا کا کافی استعمال کیا جاتا ہے، یہ دیکھنے میں لمبے اسپیگیٹی کی طرح ہوتے ہیں۔
