بالی ووڈ کے بادشاہ شاہ رخ خان کی فلم ’پٹھان‘ نے ریلیز کے دوسرے روز ہی کمائی کے ریکارڈ بنا ڈالے۔
بالی ووڈ کے کنگ شاہ رخ خان کی چار سال بعد فلم پٹھان کے ذریعے شوبز میں واپسی ہوئی اور ان کی فلم نے ریلیز ہوتے ہی دھوم مچادی ہے۔
ریلیز کے دوسرے دن فلم کی کمائی دنیا بھر میں 219.6 کروڑ ہوگئی ہے جبکہ پہلے روز فلم کا بزنس 106 کروڑ تھا۔
The #Pathaan party is getting bigger 💥
Have you booked your tickets yet? https://t.co/SD17p6wBSa | https://t.co/VkhFng5XLLCelebrate #Pathaan with #YRF50 only at a big screen near you, in Hindi, Tamil and Telugu. pic.twitter.com/0XhdXL8kOJ
— Yash Raj Films (@yrf) January 27, 2023
بالی ووڈ کے سلطان نے بھی شاہ رخ خان کی فلم کی کامیابی پر لکھا کہ خواہش ہے کہ فلم چار سو کروڑ کلب میں داخل ہوجائے۔
Ruling our hearts since Day 1 🤩
Book tickets now – https://t.co/SD17p6wBSa | https://t.co/VkhFng5XLLCelebrate #Pathaan with #YRF50 only at a big screen near you, in Hindi, Tamil and Telugu. pic.twitter.com/NjdjHZOem6
— Yash Raj Films (@yrf) January 27, 2023
ادھر سنیما مالکان کا کہنا ہے کہ فلم کی مانگ اس قدر بڑھ رہی ہے کہ اضافی شوز کا بندوبست کرنا پڑ رہا ہے۔
واضح رہے کہ پٹھان کو سدھارتھ آنند نے ڈائریکٹ کیا جبکہ اسے یش راج کے بینر تلے ریلیز کیا گیا فلم کے مرکزی کرداروں میں شاہ رخ خان، جان ابراہم، دپیکا پڈوکون، اشوتوش رانا شامل ہیں۔
پٹھان میں سلمان خان کی انٹری بھی ہوئی جس میں انہیں شاہ رخ کے ساتھ ایکشن میں دیکھا گیا۔
یاد رہے کہ پٹھان ریلیز سے قبل پہلے ہندو انتہا پسندوں کی تنقید اور احتجاج کے باعث موضوع بحث بن گئی تھی جبکہ فلم کے گانے پر بھی تنقید کی گئی تھی۔