معروف برازیلین مصنف پاؤلو کوئیلو نے پاکستان مسلم لیگ ن کی رہنما مریم نواز کی وائرل ویڈیو پر ان کے دفاع میں ٹویٹ کردیا۔
مریم نواز کے حال ہی میں دیے گئے ایک انٹرویو کے کلپس مختلف وجوہات پر سوشل میڈیا پر وائرل ہورہے ہیں۔
ایک کلپ میں وہ اپنی پسندیدہ کتابوں کے نام بتا رہی ہیں جبکہ انہوں نے جیل کی لائبریری کا بھی تذکرہ کیا ہے جس پر سوشل میڈیا صارفین ان کا مضحکہ اڑا رہے ہیں۔
جانئیے ۔ مریم نواز کون سی کتابیں پڑھتی ہیں ؟
pic.twitter.com/drjyHTqcJt— Ammar Masood (@ammarmasood3) March 9, 2023
ایک اور کلپ میں وہ شہرہ آفاق کتاب الکیمسٹ کے مصنف پائلو کوئیلو کو پائلو کوئیڈو کہتی سنائی دے رہی ہیں۔
Lo g Paulo “Coedo” nawan author aa gya maidan wich. @paulocoelho pic.twitter.com/BMglMGIxd2
— Nauman Sharjeel (@NaumanSharjeel) March 10, 2023
ان کا یہ کلپ بھی خوب وائرل ہورہا ہے اور لوگ ان کا مذاق اڑاتے دکھائی دے رہے ہیں۔
تاہم اس وقت سوشل میڈیا صارفین حیران رہ گئے جب پائلو کوئیلو نے ایسے ہی ٹویٹ کو ری ٹویٹ کرتے ہوئے مریم نواز کا دفاع کیا۔
انہوں نے لکھا کہ میں بھی غیر ملکی نام پکارتے ہوئے تلفظ کی غلطی کر جاتا ہوں، لوگ زیادہ تنقید نہ کریں۔
I make mistakes very often in pronunciation of foreign names, so don’t be critical https://t.co/FbbHXHdTqh
— Paulo Coelho (@paulocoelho) March 10, 2023
کوئیلو کے اس ٹویٹ کے نیچے بھی پاکستانیوں نے لڑنا جھگڑنا شروع کردیا اور اپنے پسندیدہ ساست دانوں کی حمایت کرنے لگے۔
