The news is by your side.

Advertisement

فیڈرل ایکسائز ڈیوٹی ادائیگی : پی آئی اے اور ایف بی آر کے درمیان معاملات طے پاگئے

کراچی : پی آئی اے اور ایف بی آر کے درمیان فیڈرل ایکسائز ڈیوٹی ادائیگی سے متعلق معاملات طے پاگئے، پی آئی اے فیڈرل ایکسائز ڈیوٹی 4اقساط میں ادا کرے گی۔

تفصیلات کے مطابق قومی ایئرلائن اور ایف بی آر کے درمیان اہم پیش رفت ہوئی، پی آئی اے اور ایف بی آر کے درمیان فیڈرل ایکسائز ڈیوٹی ادائیگی سے متعلق معاملات طے پاگئے۔

ذرائع کا کہنا تھا کہ معاملات سی ای او پی آئی اے ایرمارشل ارشد ملک اور چیئرمین ایف بی آر کی ملاقات میں طے پائے۔

پی آئی اے اور ایف بی آر کے درمیان 1ارب90کروڑ روپے کی ادائیگی سے متعلق معاملات طے ہوئے ہیں، پی آئی اے ٹکٹس پر وصول کی جانے والی فیڈرل ایکسائز ڈیوٹی 4اقساط میں ادا کرے گی۔

پی آئی اے انتظامیہ نے جون تک ایف بی آر کو 1 ارب 90 کروڑ روپے کی واجب الادا فیڈرل ایکسائز ڈیوٹی جمع کرانے اور فیڈرل ایکسائز ڈیوٹی کی مد میں واجب الادا ٹیکس کی مد میں ماہانہ 50 کروڑ روپے کی قسط ادا کرنے کی یقین دہانی کرائی ہے۔

پی آئی اے ذرائع کے مطابق پی آئی اے اگلے 2 ماہ 45،45کروڑ روپے ادا کرے گی جبکہ دوسرے مرحلے میں پی آئی اے 50،50کروڑ روپے کی 2 ماہ کے اندراقساط جمع کرائے گی۔

خیال رہے فیڈرل ایکسائز ڈیوٹی عدم ادائیگی پر ایف بی آر نے رواں ماہ مارچ میں پی آئی اے کے دو مرتبہ بینک اکائونٹ منجمند کیے تھے۔

Comments

یہ بھی پڑھیں