پاکستان کرکٹ بورڈ (پی سی بی) نے تیس کھلاڑیوں کے ناموں کا اعلان کر دیا ہے یہ اعلان ملتان میں اسسمنٹ کیمپ کے لیے کیا گیا ہے۔
اے آر وائی نیوز کے مطابق پاکستان کرکٹ بورڈ نے ملتان میں اسسمنٹ کیمپ کے لیے 30 کھلاڑیوں کے ناموں کا اعلان کر دیا ہے۔ 20 کھلاڑی دو سابقہ کیمپس سے منتخب کیے ہیں، جب کہ 10 کھلاڑیوں کو قومی انڈر 19 ٹیم سے شامل کیا گیا ہے۔
پی سی بی کا کہنا ہے کہ ملتان میں یہ اسسمنٹ کیمپ 7 جولائی سے شروع ہوگا جو آئندہ ماہ تک جاری رہے گا۔ اس کیمپ میں کھلاڑیوں کی تکنیکی اور ذہنی صلاحیتوں کو نکھارنے پر کام ہوگا۔
