پاکستان کے سابق ٹیسٹ کرکٹر باسط علی نے کہا ہے کہ قومی ٹیم کی سرجری نہ ہوئی تو چیئرمین پی سی بی عہدے سے استعفیٰ دیدیں۔
اے آر وائی نیوز کے پروگرام ہرلمحہ پرجوش میں گفتگو کرتے ہوئے موجودہ تجزیہ کار اور سابق قومی کرکٹر باسط علی کا کہنا تھا کہ چیئرمین پی سی بی نے قومی ٹیم میں سرجری کا کہا تھا، چیئرمین پی سی بی مضبوط آدمی ہیں سب کو ٹھیک کردیں گے۔
باسط علی نے کہا کہ قومی ٹیم کی اب بھی سرجری نہ ہوئی تو آئندہ اس سے بھی بُرا حال ہوگا، نیوزی لینڈ کی چھوٹی ٹیم آئی تھی تو ہمیں بھی نئے لڑکوں کو چانس دینا چاہیے تھا۔
پاکستان کو فاسٹ بولنگ میچ نہیں جتوا سکتی، باسط علی
سابق پاکستانی بیٹر نے کہا کہ حسن چیمہ ٹی وی پرفٹبال سے متعلق پروگرام کرتے تھے، فٹبال کا پروگرام کرنے والے حسن چیمہ قومی ٹیم کی سلیکشن کررہے ہیں۔
کامران اکمل نے کہا کہ قومی ٹیم گزشتہ 9 سال میں کوئی ایونٹ نہیں جیتی، سلیکشن کمیٹی میں نان پروفیشنل لوگ ہونگے تو یہی حال ہوگا۔
قومی ٹیم کے سابق بیٹر نے کہا کہ گروپ بندی کے چکر میں قومی ٹیم کو خراب کیا گیا، ڈومیسٹک کرکٹ انھیں دی ہوئی ہے جنھیں کرکٹ کا پتہ ہی نہیں، قومی ٹیم کا جس دن اعلان ہوا تھا ہم اسی دن چیمپئنزٹرافی سے باہر ہوگئے تھے۔
پاک بھارت میچ سے قبل محسن نقوی دبئی میں قومی ٹیم سے ملاقات کیلئے پہنچ گئے
