جمعرات, مارچ 13, 2025
اشتہار

ثنا میر آئی سی سی ویمنز کمیٹی کی رکن منتخب، چیئرمین پی سی بی کی مبارک باد

اشتہار

حیرت انگیز

اسلام آباد: پاکستان کرکٹ بورڈ (پی سی بی) کے چیئرمین نے ثنا میر کو انٹرنیشنل ویمنز کمیٹی میں شمولیت پر مبارک باد دیتے ہوئے کہا ہے کہ ثنا میر وسیع تجربے سے کرکٹ کے فروغ میں اہم کردار ادا کریں گی۔

پی سی بی کی جانب سے جاری ہونے والے اعلامیے کے مطابق قومی خواتین کرکٹ ٹیم کی کھلاڑی ثنا میر کو انٹرنیشنل ویمنز کمیٹی میں شامل کرلیا گیا جس پر کرکٹ بورڈ چیئرمین اور حکام نے انہیں مبارک باد پیش کی۔

چیئرمین احسان مانی کا کہنا تھا کہ ثنا میر وسیع تجربےسےکرکٹ کےفروغ میں اہم کرداراداکریں گی۔

ثنا میر کا کہنا تھا کہ کرکٹ کےاعلیٰ ترین فورم پر نمائندگی کرنا میرےلیےاعزازکی بات ہے، کھیل کےفروغ  کے لیے کھلاڑیوں کا انتخاب آئی سی سی کاقابل ستائش عمل ہے۔

ثنا میر کے علاوہ کمیٹی میں تین اور خواتین کرکٹر کو شامل کیا گیا جن میں سے انگلینڈ کی سابق کھلاڑی کلئیر کارنر کو چیئرپرسن جبکہ آسٹریلیا کی لیساٹالیکر  اور بھارتی کھلاڑی مٹھالی راج کو بطور رکن شامل کیا گیا۔

پاکستان کرکٹ بورڈ کے مینیجنگ ڈائریکٹر وسیم خان کو بھی آئی سی سی نے کمیٹی کا رکن منتخب کیا،  وہ مستقل اراکین کی فہرست میں سےایک ہیں۔

کمیٹی کا پہلا اجلاس گزشتہ روز آئی سی سی کی سالانہ کانفرنس کےدوران منعقد ہوا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں